განათლებისა და მეცნიერების კომიტეტის თავმჯდომარე, მარიამ ჯაში განათლებისა და კულტურის სამინისტროების გაერთიანებასთან დაკავშირებით დამატებითი კონსულტაციების ჩატარებას ითხოვს.

დეპუტატის თქმით, კონსულტაციები უმრავლესობის ფორმატში ხვალ გაიმართება.

"იმ მოსაზრებას აბსოლუტურად ვიზიარებ, რომ განათლების სისტემაში სახელოვნებო და სპორტული კომპონენტი უნდა გაძლიერდეს. განათლებისა და მეცნიერების სამინისტროს ქოლგის ქვეშ ყველა სასწავლო დაწესებულება უნდა მოექცეს, მათ შორის თეატრალური, აკადემია, კონსერვატორია და ასევე სახელოვნებო და სპორტული კოლეჯები. თუმცა, ვფიქრობ, რომ დამატებითი განხილვა გვჭირდება შერწყმასთან დაკავშირებით, რადგან ვფიქრობ, რომ კულტურული მემკვიდრეობის, შემოქმედებითი კავშირების, სპორტული ფედერაციების მართვის თვალსაზრისით საკითხები რჩება, რომელთა მართვაც პირველივე ეტაპზე სრული შერწყმით რთულია. დიდი ცივილიზაციის ქვეყნებში კულტურის სამინისტრო ცალკეა, ან ტურიზმთანაა გაერთიანებული. მე მომხრე ვარ თუკი კულტურა, სპორტი და ტურიზმი ცალკე უწყებად დარჩება, თუნდაც, სახელმწიფო მინისტრის აპარატის ფორმით", - განაცხადა ჯაშმა.

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით