„ძალიან მიკვირს, რომ ერთი კვალიფიციური იურისტი არ აღმოჩნდა, რომელიც სწორად მოახდენდა რეკომენდაციის ფორმულირებას“, - ამის შესახებ იურიდიულ საკითხთა კომიტეტის თავმჯდომარემ, პარლამენტის საგამოძიებო კომისიის წევრმა ეკა ბესელიამ „ევროპული საქართველოს“ მიერ შემუშავებულ რეკომენდაციებთან დაკავშირებით განაცხადა.

როგორც ბესელიამ აღნიშნა, კანონის თანახმად, კომისიას შეუძლია, შესაბამის ორგანოებს გამოძიების დაწყების მოთხოვნით მიმართოს და არა პირის მიმართ სისხლის სამართლებრივი დევნის.

 „სისხლის სამართებრივი დევნის დაწყება არის მხოლოდ და მხოლოდ პროკურატურის დისკრეცია და პირის მიმართ დევნის განხორციელება. ასე საკითხის დასმა სამართლებრივი შეცდომაა, თუ სხვა რამ არა. კომისიას რა თქმა უნდა ექნება რეკომენდაციები, ექნება გარკვეული ფორმა რეაგირების, მაგრამ ეს ყველაფერი უნდა მოხდეს მტკიცებულებები შეჯერების შემდეგ. მე მაქვს ორი ძალიან კრიტიკული პოზიცია - ერთი, რომ რეკომენდაციები დასაწყისში არ გაიცემა და პასუხისმგებლობის მატარებელი კომისია რეკომენდაციებს გასცემს ბოლოს, როდესაც ის აჯამებს მასალებს. დასაწყისში რეკომენდაციებით დაწყება ნიშნავს ზედაპირულობას და მე ამას არ მივესალმები. მეორე- ჩვენ რეგლამენტში და კანონში გვიწერია, რომ კომისიას შეუძლია გამოძიების დაწყების მოთხოვნით მიმართოს შესაბამის ორგანოებს. გამოძიების დაწყების და პირის მიმართ სისხლის სამართლებრივი დევნის დაწყების მოთხოვნა სხვადასხვა რამეა. პირის მიმართ დევნის დაწყების უფლება არ აქვს პოლიტიკურ ორგანოს და არც მის საგამოძიებო კომისიას“, - განაცხადა ეკა ბესელიამ.

„ევროპული საქართველოს“ ერთი რეკომენდაცია ხორავას ქუჩაზე მომხდარი დაპირისპირებისას გ.მ. სხეულის დაზიანების ფაქტზე გამოძიების ჩატარებას უკავშირდება, ხოლო მეორე - საქმის ერთ-ერთი ფიგურანტის, მ.კ.-ს მიმართ სისხლის სამართლებრივი დევნის დაწყებას.

ავტორი: ,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით