„ვნახოთ“ - დონალდ ტრამპმა ყირიმის რუსეთის ნაწილად აღიარების შესაძლებლობა არ გამორიცხა

2018-06-30 13:41:32, 1548 ნახვა

მსოფლიო

ამერიკის შეერთებული შტატების პრეზიდენტმა დონალდ ტრამპმა ანექსირებული ყირიმი რუსეთის ტერიტორიად აღიარების შესაძლებლობა არ გამორიცხა, - ამის შესახებ ინფორმაციას Bloomberg ავრცელებს.

როგორც ტრამპმა აღნიშნა, ასეთი გადაწყვეტილების მიღების საკითხი შესაძლოა მას შემდეგ განიხილონ, რაც თეთრი სახლის და კრემლის ლიდერები ერთმანეთს შეხვდებიან.

"ვნახოთ", - ასე უპასუხა დონალდ ტრამპმა ჟურნალისტის მიერ დასმულ კითხვას, აღიარებს თუ არა აშშ ანექსირებულ ყირიმს რუსეთის ტერიტორიად და დასძინა, რომ ამაში ყოფილი პრეზიდენტის ბარაკ ობამას ბრალია.

მედია საშუალების ინფორმაციით, შესაბამისი ინტერვიუ პრეზიდენტთან ჟურნალისტებმა მისი თვითმფრინავის ბორტზე ჩაწერეს.

"ჩვენ ვისაუბრეთ ყველაფერზე. ვილაპარაკებთ უკრაინის და სირიის საკითხზე, ასევე არჩევნებზე და მათში შესაძლო ჩარევაზე", - განაცხადა თეთრი სახლის ლიდერმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები