გურჯაანის მუნიციპალიტეტის სოფელ ახაშენში ხანძარს 2 წლის გოგონას სიცოცხლე ემსხვერპლა. 

როგორც „ექსპრესნიუსს“  საგანგებო სიტუაციების  მართვის სააგენტოში  განუცხადეს, ცეცხლი ორსართულიანი საცხოვრებელი სახლის მეორე სართულზე და სახურავზე გაჩნდა. მეხანძრე მაშველებმა ბავშვის ცხედარი მეორე სართულზე აღმოაჩინეს. 

სააგენტოს ინფორმაციით, დამწვარია 225 კვ.მ ფართობი. ადგილზე 5 სამაშველო ბრიგადა მუშაობდა.  

წინასწარი  ინფორმაციით, ხანძრის გაჩენის მიზეზი მოკლე ჩართვა გახდა.

შემთხვევის ადგილზე სამართალდამცავები და ექსპერტ კრიმინალისტები მუშაობენ.

შინაგან საქმეთა სამინისტროს ინფორმაციით, მომხდართან დაკავშირებით გამოძიება სსკ-ის 188-ე მუხლის მე-3 ნაწილით მიმდინარეობს (სხვისი ნივთის დაზიანება ან განადგურება ჩადენილი ცეცხლთან ან მომეტებული საფრთხის წყაროსთან გაუფრთხილებელი მოპყრობით, რამაც ადამიანის სიცოცხლის მოსპობა გამოიწვია).

ავტორი: ,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით