ტელეკომპანია "პირველის" პროდიუსერს ნენე დალაქიშვილს "ქართული მარშის" აქტივისტები ღიად ემუქრებიან.

ფაშისტური და ქსენოფობიური ჯგუფის განაწყენება, იმ ფაქტმა გამოიწვია, რომ დალაქიშვილმა საპატრულო პოლიცია მას შემდეგ გამოიძახა, რაც ჯგუფის წევრებმა უცხოელ ტურისტებზე თავდასხმა განახორციელეს.

"დავინახე, ამ სავარაუდოდ ნასვამმა უცხოელმა როგორ აიღო სამშენებლო ბლოკის მაგვარი რაღაცა და მოწინააღმდეგეების მიმართულებით ისროლა. საგანი სავარაუდოდ მოხვდა ერთ ადგილობრივს ფეხზე.  წამის მეასედში ვიფიქრე, რომ ამ უცხოელს შუაზე გაგლეჯდნენ. დაახლოებით 5-8 ადამიანი გამოიქცა მისკენ გინებით. წააქციეს მისი თანმხლები გამშველებელი და რომელიც სიტუაციის განმუხტვას ცდილობდა ის უცხოელი და წიხლებით შედგნენ. ურტყამდნენ გამეტებით და დაუნდობლად. შევეცადე გაშველებას - ვერაფერს გავხდი. ისევ პატრულში დავრეკე და ამასობაში მოვიდნენ კიდეც. აღმოჩნდა, რომ უბნისთვის შეუფერებელი საქციელი ჩავიდინე, პატრულში რომ დავრეკე. ვიღაცა ტიპები მეუბნებოდნენ, რომ ვარ ირმა ნადირაშვილის (მეზობლები ვყოფილვართ) მონა, "ტაბულას" ჟურნალისტი, რომელსაც ირმამ დაურეკა და ახალი გრანტის მოლოდინში წიოკის ატეხვა დაავალა. უკვე მერამდენე საათია, სოციალური ქსელით და პირად საუბრებშიც (წეღან გარეთ ვიყავი გასული) მაბრალებენ, რომ საწყალ ბიჭებს ვღუპავ და რომ ქართველები უნდა დავიცვა (ოღონდ ვერ ვხვდები რისგან). რომ ჯერ სამშობლოა მთავარი და მერე ვიღაცა გადამთიელები, რომ პატრულში არ უნდა დამერეკა. დამათრევენ ფეისბუქის კედლებზე და ვირტუალურ აუტოდაფეს მიწყობენ. 
ცოტა გაოგნებული ვარ - მე ის გავაკეთე, რაც კანონმორჩილი მოქალაქის ვალია - დავინახე უმოწყალო ცემა-ტყეპა და პოლიცია გამოვიძახე. მტყუან-მართლის გარჩევა მათი პრეროგატივაა და არა ჩემი. 
ვიმედოვნებ, რომ კანონის ძალით დაისჯება ყველა დამნაშავე, მიუხედავად მისი ეთნიკური წარმომავლობისა", -ამბობს ნენე დალაქიშვილი.

მას შენდეგ დალაქიშვილს ათობით მუქარის შემცველი შეტყობინება მოსდის "ფეისბუქის" საკუთარ გვერდზე. 

აღსანიშნავია, რომ თავდასხმამდე ქსენფობიური "ქართული მარშის" წევრები კასპში ჩინელი ინვესტორების წინააღმდეგ საპროტესტო აქციას მართავდენ. ღიად ქსენოფობიური აქციის შემდეგ მისი ერთ-ერთი ორგანიზტორი ირაკლი მილაძე, უცხოელებთან ინციდენტში მონაწილებდა.

შსს-ში აცხადებენ, რომ ნენე დალაქიშვილის გამოკითხვა იგეგმება. დამატებით კომენტარს უწყება მოგვიანებით გაავრცელებს.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო