„სამი კვირის შემდეგაც იგივე წარმოსდგინდებიან, რაც დღეს არიან. როგორც გველს უთქვამს, ტყავი გამოვიცვალე, მაგრამ ისევ ის გველი ვარო“, - ასე გამოეხმაურა „ლეიბორისტული პარტიის“ ლიდერი შალვა ნათელაშვილი დროებითი მთავრობის დამტკიცების პროცესს.

როგორც მან „რუსთავი 2“-ს განუცხადა, სამთავრობო გადაწყვეტილებებს ყოფილი პრემიერი ბიძინა ივანიშვილი იღებს და არა მინისტრები.

„ივანიშვილის ყველაზე დიდი დანაშაული არის ქართული სახელმწიფოს მკვლელობა. ესენი ისე არიან მინისტრები, პრემიერები, პრეზიდენტები და დეპუტატები, როგორც მე ვარ კამბოჯის პრინცი. კაცმა ადამიანები იყიდა რაოდენობრივად და კილოგრამობით, გადაუხადა და დღეს ისინი ასრულებენ მიცემულ პირობას უსიტყვო მორჩილების, ტაშის კვრის და მასთან ერთად თუნდაც, პოლიტიკურ სამარეში წასვლის“, - განაცხადა შალვა ნათელაშვილმა.

შეგახსენებთ, პარლამენტში მთავრობისთვის ნდობის გამოცხადების საკითხის განხილვა მიმდინარეობს. როგორც ცნობილია, დამკტიცების შემდეგ, მამუკა ბახტაძე 2-3 კვირაში პარლამენტს მთავრობის სტრუქტურული ცვლილებების პროექტს წარუდგენს, რომლის მიხედვითაც სამინისტროების რაოდენობის 14-დან 11-მდე შემცირება იგეგმება. მას შემდეგ, რაც პარლამენტი შესაბამის საკანონმდებლო ცვლილებებს განახორციელებს, მამუკა ბახტაძე საკანონმდებლო ორგანოში ნდობის მოსაპოვებლად კიდევ ერთხელ, მინისტრთა კაბინეტის ახალი შემადგენლობით მივა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს