„მცირე მთავრობის იდეა მისაღებია, იმიტომ რომ უკავშირდება პირდაპირ მმართველობით რეფორმას და მმართველობის გაუმჯობესებას“, - ამის შესახებ გარემოს დაცვისა და სოფლის მეურნეობის მინისტრობის კანდიდატმა ლევან დავითაშვილმა პარლამენტში ჟურნალისტებთან განაცხადა.

ლევან დავითაშვილმა აღნიშნა, რომ მცირე მთავრობა უფრო ეფექტიანს გახდის გადაწყვეტილებების აღსრულებას.

„რაც შეეხება მცირე მთავრობის იდეას, ეს რა თქმა უნდა მისაღებია, იმიტომ რომ უკავშირდება პირდაპირ მმართველობით რეფორმას და მმართველობის გაუმჯობესებას. ამაზე ჩვენ ადრეც გვქონდა საუბარი. საუბარია იმაზე, რომ უფრო ეფექტიანები ვიყოთ გადაწყვეტილებებში და გადაწყვეტილებების მიღებიდან აღსრულებამდე იყოს მაქსიმალურად შემოკლებული დრო და იყოს უფრო ეფექტიანი ჩვენი აღსრულება გადაწყვეტილებების. შესაბამისად, მცირე მთავრობა ზუსტად ამას პასუხობს და ეს აბსოლუტურად მისაღებია“, - განაცხადა ლევან დავითაშვილმა.

გარემოს დაცვისა და სოფლის მეურნეობის მინისტრობის კანდიდატმა ასევე აღნიშნა, რომ ის გუნდის წევრად რჩება და მისთვის მისაღები იქნება ის გადაწყვეტილება, რომელსაც მამუკა ბახტაძე სამომავლოდ მიიღებს.

„მამუკა ბახტაძეს ვიცნობ რამდენიმე წელია. ჩვენ ერთ გუნდში ვმუშაობთ და მასთან მუშაობა არის ჩემთვის აბსოლუტურად მისაღები და საინტერესო. მე ვარ გუნდის ნაწილი და როგორც გუნდი მიიღებს გადაწყვეტილებას, ბუნებრივია, ამ გადაწყვეტილების მონაწილე ვიქნები მეც“, - განაცხადა ლევან დავითაშვილმა.

პარლამენტში მთავრობის დამტკიცების პროცედურა მიმდინარეობს. ამ წუთებში, აგრარულ საკითხთა, გარემოს დაცვისა და ბუნებრივი რესურსების, დარგობრივი ეკონომიკისა და ეკონომიკური პოლიტიკის, საფინანსო-საბიუჯეტო და რეგიონალური პოლიტიკისა და თვითმართველობის კომიტეტის გაერთიანებულ სხდომაზე ეკონომიკური გუნდის მინისტრობის კანდიდატებს უსმენენ.

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს