მარნეულში მომხდარ ინციდენტში, გარდა ადგილობრივი თანამდებობის პირებისა, სავარაუდოდ, გარეული იყო ასევე საქართველოს პარლამენტის ერთ-ერთი წევრი, - ამის შესახებ პარლამენტის თავმჯდომარე ირაკლი კობახიძე პლენარულ სხდომაზე განაცხადა.

როგორც მან აღნიშნა, პარლამენტში დეპუტატ აზერ სულეიმანოვთან დაკავშირებით, მთავარი პროკურორის მოვალეობის შემსრულებისგან წერილი შევიდა.

კობახიძემ დეპუტატებს აღნიშნული წერილი გააცნო:

„შემოსულია წერილი მთავარი პროკურორის მოვალეობის შემსრულებლისგან ბატონი მამუკა ვასაძისგან. წერილი არის შემდეგი შინაარსის:

„საქართველოს პარლამენტის წევრის სტატუსის შესახებ საქართველოს კანონის მე-18 მუხლის მე-2 ნაწილისა და პარლამენტის რეგლამენტის მე-20 მუხლის მე-3 ნაწილის საფუძველზე, გაცნობებთ, რომ 2018 წლის 13 ივნისს, 11 საათზე, ქვემო ქართლის საოლქო პროკურატურის საგამოძიებო ნაწილის წარმოებაში არსებულ სისხლის სამართლის საქმეზე, პროკურატურის შესახებ საქართველოს მე-9 მუხლის მესამე ნაწილის „დ“ პუნქტით, მთავარი პროკურორისათვის მინიჭებული უფლებამოსილების საფუძველზე, გამოტანილი იქნა დადგენილება საქართველოს პარლამენტის წევრის,  აზერ სულეიმანოვის ბრალდების შესახებ. საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით გათვალისწინებული დანაშაულის ჩადენისათვის“.

მიუხედავად პარტიული კუთვნილებისა, თანამდებობისა, აუცილებელია ამ ძალიან მძიმე დანაშაულის თითოეული მონაწილის დასჯა და ამას უნდა ქონდეს პრეცედენტული მნიშვნელობა“, - განაცხადა ირაკლი კობახიძემ.

შეგახსენებთ, საქმე ეხება მარნეულში მოქალაქე ე.ა-ს მიმართ ჯგუფურად განხორციელებულ არაადამიანური და დამამცირებელი მოპყრობის ფაქტს, რომლის შესახებაც რეპორტაჟი „სტუდია მონიტორმა“ მოამზადა. სავარაუდოდ, სწორედ ამ ინციდენტთან დაკავშირებით მოხდა მარნეულის მერის, თემურ აბაზოვის დაკავება.

ავტორი: ,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან