„რას მეთამაშებიან?! იგივე პროცედურებს გადის შინაგან საქმეთა სამინისტრო, რასაც პროკურატურაგადიოდა“, - ასე გამოეხმაურა ხორავას ქუჩაზე მოკლული მოზარდის მამა, ზაზა სარალიძე, შსს-ს მიერ მოწმეზე ზეწოლის ბრალდებით მერაბ მორჩაძის დაკავების ფაქტს.

როგორც მან ტელეკომპანია „პირველის“ ეთერში განაცხადა, მორჩაძის დაკავება მის გეგმებს არ შეცვლის.

„ინფორმაცია, თითქოს მიხეილ კალანდიაზე ზეწოლას ეს პირი ახდენდა, ეს არ არის ახალი და უცხო ჩემთვის. ამასთან დაკავშირებით ძიება დაიწყო 11 აპრილს, როდესაც მიხეილ კალანდიამ ცრუ ჩვენება მისცა სასამართლოს. ამაზე ინფორმირებულია ზვიად ფხაკაძე, საქმის პროკურორი. ძალიან ვთხოვ შინაგან საქმეთა სამინისტროს, ამ სისულელეებს მორჩნენ და შაბათს უკვე ველოდები შედეგებს. მე აქ ვითხოვ კონკრეტული პირების დაკავებას და არა ზღაპარიკოს აღმოჩენას. შინაგან საქმეთა სამინისტრომ ახლა კი არ აღმოაჩინა, ზვიად ფხაკაძე  პირდაპირ მეუბნებოდა, წარმოგიდგენ იმ სამ პირს, რომლებმაც მიხეილ კალანდიაზე განახორციელეს ზეწოლაო. უბრალოდ, ახლა გავიგე სახელი და გვარი. ეს არის უმსგავსობა. რას მეთამაშებიან, იგივე პროცედურებს გადის შინაგან საქმეთა სამინისტრო, რასაც გადიოდა პროკურატურა... რა მერაბ მორჩაძე, მკვლელებზე მაქვს ლაპარაკი“, - განაცხადა სარალიძემ.

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება