არ ვიცი, რა ბრალდებით ვარ დაკავებული, გამოვალ და მერე გეტყვით, – ამის შესახებ  მოზარდების მკვლელობის საქმეზე მოწმეზე ზემოქმედების ბრალდებით დაკავებულმა მერაბ მორჩაძემ საზოგადოებრივ მაუწყებელს განუცხადა.

როგორც მან აღნიშნა, ერთ-ერთი  მოზარდის ნათესავია.

„საერთოდ წარმოდგენა არ მაქვს  რა ხდება. მოვიდნენ ეს ადამიანები და წამომიყვანეს. დამადეს ბორკილები წამობრძანდითო.  ჯერ არაფერს მედავებიან, არაფერი არ უთქვამთ. ერთ-ერთი მოზარდის ნათესავი ვარ. მართლა არაფერი ვიცი. სიმართლე არ მგონია, რომ დაიკარგოს“, – განაცხადა მორჩაძემ შსს-ში შესვლამდე.

ცნობისთვის, მორჩაძის დაკავების შესახებ შინაგან საქმეთა სამინისტრომ განცხადება ცოტა ხნის წინ გაავრცელა.

როგორც  უწყების განცხადებაშია აღნიშნული, მორჩაძე მოწმეზე ზემოქმედების ფაქტზეა დაკავებული.

„ხორავას ქუჩაზე მომხდარი მკვლელობის საქმესთან დაკავშირებით მოწმეზე ზემოქმედების ფაქტზე მიმდინარე გამოძიების ფარგლებში მოპოვებული ახალი მტკიცებულებების გათვალისწინებით, მოსამართლის განჩინების საფუძველზე, სისხლის სამართლის კოდექსის 372-ე მუხლით  დაკავებულია 1973 წელს დაბადებული მერაბ მორჩაძე. 

მერაბ მორჩაძის დაკავება განხორციელდა მკვლელობის ძირითადი საქმიდან გამოყოფილი იმ სისხლის სამართლის საქმის ფარგლებში, რომელზეც გამოძიებას შინაგან საქმეთა სამინისტრო აწარმოებს“, - ნათქვამია შსს-ს განცხადებაში.

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება