პუტინმა ავსტრიის კანცლერს ვენაში დონალდ ტრამპთან შეხვედრის ორგანიზება სთხოვა

2018-06-08 13:09:09, 1812 ნახვა

მსოფლიო

რუსეთის პრეზიდენტმა ვლადიმერ პუტინმა ავსტრიის კანცლერ სებასტიან კურცს ზაფხულში ვენაში, აშშ-ის პრეზიდენტ დონალდ ტრამპთან შეხვედრის ორგანიზება სთხოვა, – ამის შესახებ ინფორმაციას ამერიკული გამოცემა The Wall Street Journal-ი ევროპელ მაღალჩინოსანზე დაყრდნობით ავრცელებს.

მედიის ცნობით, ავსტრიის კანცლერი რუსეთის პრეზიდენტს ტრამპთან დაკავშირებას და ორმხრივი შეხვედრის ორგანიზებას დაჰპირდა.

„ავსტრიელები მზად არიან საკუთარ ქვეყანაში პუტინისა და ტრამპის შეხვედრა ჩაატარონ. მოლაპარაკებების მიზანი სირიის, უკრაინისა და სხვა საკითხების ირგვლივ რუსულ-ამერიკულ ურთიერთობებში დაძაბულობის შემცირებაა“,- წერს გამოცემა.

როგორც ირკვევა, თეთრი სახლის წარმომადგენელმა რუსულ მედიას უკვე დაუდასტურა ინფორმაცია იმის შესახებ, რომ სებასტიან კურცი მათ უკვე დაუკავშირდა და ტრამპი-პუტინის შეხვედრის ორგანიზება შესთავაზა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები