5 ივნისს მსოფლიოში გარემოს დაცვის საერთაშორისო დღე აღინიშნება.

ამ დღის აღნიშვნის მიზანი საზოგადოების გარემოსდაცვითი პასუხისმგებლობის ამაღლებაა. წელს გარემოს დაცვის საერთაშორისო დღის თემას  ,,შევამციროთ პლასტიკით დაბინძურება’’ წარმოადგენს.

გარემოს დაცვის დღესთან დაკავშირებით, გარემოს დაცვისა და სოფლის მეურნეობის სამინისტროს ორგანიზებით, წიგნის მაღაზიათა ქსელის „ბიბლუსი“ სამ ფილიალში აქცია გაიმართა. ღონისძიების ფარგლებში, სამინისტროს წარმომადგენლებმა მომხმარებლებს მაისურები, მრავალჯერადი გამოყენების ნაჭრის ჩანთები გადასცეს და ბიოდეგრადირებადი პარკების გამოყენების მნიშვნელობაზე მიაწოდეს ინფორმაცია.

ვინაიდან პლასტიკის პარკების მოხმარება გლობალური პრობლემაა, მრავალ ქვეყანაში, პლასტიკის პარკების მოხმარების შესამცირებლად, გარკვეული რეგულაციები მოქმედებს.

საერთაშორისო, მათ შორის ევროპული პრაქტიკის გაზიარებით, საქართველოში, გარემოს პლასტიკისგან დაბინძურების თავიდან ასაცილებლად, 2018 წლის ბოლოდან ამოქმედდება ,,ტექნიკური რეგლამენტი - პლასტიკის და ბიოდეგრადირებადი პარკების რეგულირების წესი“.

5 ივნისი გარემოს დაცვის დღედ 1972 წლის 15 დეკემბერს, გაეროს გენერალურმა ასამბლეამ გამოაცხადა. გაერთიანებული ერების ორგანიზაციის ინიციატივით, ეს დღე გარემოსდაცვით  ერთ-ერთ მნიშვნელოვან პრობლემას და მისი გადაჭრის გზებს ეძღვნება.

(NS)

ავტორი: ,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა