საქართველოს ვიცე-პრემირმა, საგარეო საქმეთა მინისტრმა, მიხეილ ჯანელიძემ შეხვედრა გამართა ნატოს ტრანსფორმაციის გაერთიანებული სარდლობის (SACT) მეთაურთან, გენერალ დენის მერსიესთან, რომელიც საქართველოში ნატო-საქართველოს არსებით ღონისძიებათა პაკეტი (SNGP) 2018 კონფერენციაში მონაწილეობის მისაღებად ჩამოვიდა.

შეხვედრაზე განხილულ იქნა საქართველოს ნატო-ში გაწევრიანების პროცესის მიმდინარეობა და ნატო-ს ბრიუსელის სამიტისათვის მზადების საკითხი. ყურადღება გამახვილდა ნატო-ში გაწევრიანების მზადების კონტექსტში ნატო-საქართველოს არსებით ღონისძიებათა პაკეტის (SNGP) მნიშვნელობაზე. აღინიშნა SNGP-ის განხორციელებაში მიღწეული პროგრესი და SNGP-ის წარმატებაში ნატო-ს წევრი და პარტნიორი ქვეყნების აქტიური  წვლილი.

მხარეებმა ასევე ისაუბრეს საქართველოში მიმდინარე დემოკრატიულ რეფორმებზე და რეგიონში არსებულ უსაფრთხოების გარემოზე. მინისტრმა ნატოს ტრანსფორმაციის გაერთიანებული სარდლობის (SACT) მეთაურს მიაწოდა ინფორმაცია საქართველოს ოკუპირებულ ტერიტორიებზე მიმდინარე მოვლენებზე. საუბარი ასევე შეეხო შავი ზღვის უსაფრთხოების კუთხით ნატო-საქართველოს შორის არსებულ თანამშრომლობას.

გენერალმა მერსიემ განსაკუთრებული მადლიერება გამოხატა საქართველოსადმი საერთო ევრო-ატლანტიკური უსაფრთხოების განმტკიცების საქმეში შეტანილი მნიშვნელოვანი წვლილისთვის და აღნიშნა ქართული შეიარაღებული ძალების პროფესიონალიზმის მაღალი დონე.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს