„გენერალურმა პროკურორმა თანამდებობა დაუყონებლივ უნდა დატოვოს“, - ამის შესახებ საპარლამენტო უმრავლესობის წევრი დიმიტრი ცქიტიშვილი Facebook-ის საკუთარ გვერდზე წერს.

როგორც დეპუტატი აცხადებს, ის რაც დღეს თბილისში ხდება, პროკურატურის მიმართ ნდობის ღმრა კრიზისზე მეტყველებს.

"ძალიან მნიშვნელოვანია, რომ ამ საქმეს პარლამრნტის საგამოძიებო კომისია გამოიძიებს.

მაგრამ იმავდროულად ის რაც დღეს თბილისში ხდება, საზოგადოების პროკურატურის მიმართ ნდობის ღმრა კროზისზე მეტყველებს, რაც არა მხოლოდ ამ საქმიდან გამომდინარეობს.

მიმაჩნია, რომ გენერალურმა  პროკურორმა თანამდებობა დაუყონებლივ უნდა დატოვოს.

პარლამენტის საგამოძიებ კომისია აუცილებლად დადებს ობიექტურ შედეგს", - წერს ცქიტიშვილი.

შეგახსენებთ, რომ ზაზა სარალიძე მის მომხრეებთან ერთად პროკურატურის შენობასთან მას შემდეგ მივიდა, რაც სასამართლომ დავით სარალიძის მკვლელობაში ბრალდებული ერთი არასრულწლოვანი გაამართლა, ხოლო მეორეს მუხლი გადაუკვალიფიცირა და იგი მკვლელობის ნაცვლად, განზრახ მკვლელობის მცდელობაში ცნო დამნაშავედ. ზაზა სარალიძის თქმით, სასამართლომ დღეს დაადასტურა, რომ მისი შვილის მკვლელები ჯერ კიდევ თავისუფლად დადიან. აქედან გამომდინარე იგი დამნაშავეების დასჯას და მთავარი პროკურორის გადადგომას ითხოვს.

ავტორი: ,

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს