ხორავას ქუჩაზე მომხდარი მკვლელობის საქმის სასამართლო განხილვა დასრულდა.

მოსამართლე ეკა არეშიძე განაჩენს ხვალ, 11:00 საათზე გამოაცხადებს.

დღევანდელ სხდომაზე დაცვის მხარემ დასკვნითი სიტყვა დაასრულა, შემდეგ კი, სასამართლოს რეპლიკით არასრულწლოვანმა ბრალდებულებმა მიმართეს.

როგორც დაცვის მხარის ადვოკატმა, ტარიელ კაკაბაძემ ჟურნალისტებს განუცხადა, ის იმედოვნებს, რომ ბრალდებულებს ჩადენილი დანაშაულის ადეკვატური სასჯელი მიესჯებათ.

 „ჩვენ დარწმუნებულები ვართ, რომ სასამართლო არ გაიზიარებს ბრალდების მხარის პოზიციას, რომელიც არის აბსოლუტურად დაუსაბუთებელი. ბრალდების მხარემ ვერ შეძლო, დაესაბუთებინა ის ფაქტობრივი გარემოებები, რაზეც მთელი სხდომის განმავლობაში აპელირებდნენ. ფაქტობრივად, საქმეში არსებულმა მტკიცებულებებმა მთლიანად გააბათილა ის, რაც დაფიქსირებულია ბრალდების საბრალდებო დასკვნაში.ბრალდების მხარემ საკუთარი მოწმის ჩვენებები, რომელიც მათ პოზიციას ეწინააღმდეგებოდა, სრულად დააიგნორა, საკუთარ მოწმეებს მიაწერა ისეთი ფრაზების წარმოთქმა, რაც მოწმეებს საერთოდ არ ჰქონდათ ნათქვამი“, - განაცხადა კაკაბაძემ.

 ცნობისთვის, მოსამართლე ხვალ განსაზღვრავს, გამამტუნებელ განაჩენს  გამოიტანს, თუ გამამართლებელს. ამის შემდეგ კიდევ ერთ სხდომას ჩანიშნავს, სადაც გამამტყუნებელი განაჩენის შემთხვევაში ბრალდებულებს სასჯელის ვადას განუსაზღვრავს.

ავტორი: ,

სოციალური ქსელები

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო

ტატა ხვედელიანი ოცნებას: თქვენ დღეს ქალების მომჩივანი, კორუმპირებული, მოძალადე კაცების პარტია გახდით