"არსებობს არასრუწლოვანთა კოდექსი, რომელიც ადგენს უშუალოდ არასრუწლოვანთა მიმართებით არსებულ რეგულაციებს“, - ამის შესახებ ხორავას ქუჩაზე მოზარდების მკვლელობის საქმის ერთ-ერთმა პროკურორმა მარიკა გოგოხიამ განაცხადა.

მისი თქმით, კოდექსიდან გამომდინარე, პროკურატურის მხრიდან არანაირ დარღვევას ადგილი არ ჰქონია.

„გასაჯაროვდა მტკიცებულებების ნაწილი, რომელიც საზოგადოებისთვის იყო საინტერესო და წინა დღეებში გავრცელებული ინფორმაციიდან გამომდინარე, მოხდა საზოგადოების ინფორმირება. არსებობს საქმის მასალების ნაწილი რომლის გასაჯაროვება არ არის მიზანშეწონილი და დღეს არანაირად არ გასაჯაროვებულა არც ერთი ისეთი მასალა, რომელიც წინააღმდეგობაში მოდის საქართველოს კანონმდებლობასთან - არ დარღვეულა არც ერთი ნორმა. ისევე როგორც პროკურატურას, ადვოკატებსაც შეუძლიათ, გამოიყენონ ისეთი სახის მასალა, რომლითაც არ დაირღვევა სისხლის სამართლის კოდექსის რომელიმე პრინციპი, რაც ჩვენი მხრიდან რა თქმა უნდა არ განხორციელებულა“, - განაცხადა მარიკა გოგოხიამ.

თავის მხრივ, საპირისპიროს ამბობს ერთ-ერთი ბრალდებულის ადვოკატი ტარიელ კაკაბაძე. იგი აცხადებს, რომ პროკურატურას საქმის მასალების გასაჯაროვების უფლება არ ჰქონდა.

შეგახსენებთ, დღეს პროკურატურამ ხორავას ქუჩაზე მოზარდების მკვლელობის საქმეზე მტკიცებულებების ნაწილი და ვიდეოკადრები გაასაჯაროვა.

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით