"ბრალდების მხარემ ძალიან კარგად იცის რა თქვა ექსპერტმა, თუმცა შეგნებულად არასწორად აკეთებენ განმარტებებს, რათა გაამართლონ თავიანთი არასწორად გამოძიებული სისხლის სამართლის საქმე“, - ამის შესახებ ხორავას ქუჩაზე მომხდარი მკვლელობის ბრალდებით დაკავებულის ადვოკატმა ტარიელ კაკაბაძემ ჟურნალისტებს განუცხადა.

მისი თქმით, ექსპერტს არსად უხსენებია, რომ საქმეში მაკრატელია გამოყენებული.

„ექსპერტს არსად არ უთქვამს, რომ გამოყენებულია მაკრატელი არც დასკვნაში უწერია მსგავსი რამ, არც ინტერვიუში უთქვამს, არც სასამართლოში დაკითხვის დროს. ექსპერტმა თქვა ასეთი რამ, გამოყენებულია სხვადასხვა საგნები, რომლებიც არ არის დანა, გამოყენებულია სხვადასხვა მჭრელი ბასრი საგნები რომლებიც კატეგორიულად ვაცხადებ რომ არ არის საქმეში არსებული დანებიო.  ამ საქმეში შესაძლებელია რომელიმე იყოს მაკრატლის მსგავსი საგანი, ეს თქვა ექსპერტმა. თორემ აპრიორი მაკრატელია გამოყენებულიო არ უთქვამს. ბრალდების მხარის განმარტებები აღნიშნულთან დაკავშირებით მიზნად ისახავს საზოგადოების შეცდომაში შეყვანას. დარწმუნებული ვარ, ბრალდების მხარემ ძალიან კარგად იცის რაც თქვა ექსპერტმა, თუმცა შეგნებულად არასწორად აკეთებენ განმარტებებს, ვინაიდან მათ სურთ გაამართლონ თავიანთი არასწორად გამოძიებული სისხლის სამართლის საქმე“, - განაცხადა ტარიელ კაკაბაძემ

რაც შეეხება პროკურატურის მიერ საქმის მასალების გამოქვეყნებას, ადვოკატის თქმით, ამის უფლება არცერთ მხარეს არ აქვს.

„რაც შეეხება მასალების გამოქვეყნებას, ამის უფლება არც ბრალდების მხარეს აქვს და არც დაცვის მხარეს, საქმეში იმდენი მტკიცებულებაა სადაც ერთი და იგივე მოწმე ცვლის ჩვენებას, სასამართლოს სრულიად განსხვავებულ ინფორმაციას აწვდის. ჩვენც შეგვეძლო გამოგვექვეყნებინა აღნიშნული, გვეჩვენებინა საზოგადოებისთვის იმიტომ, რომ არ გვსურდა დაგვერღვია კანონი, წინააღმდეგ შემთხვევაში ამას საზოგადოების მხრიდან ძალიან მძიმე რეაგირება მოჰყვებოდა, თუმცა ბრალდების მხარე არ უყურებს კანონს“, - აღნიშნა კაკაბაძემ

მისივე თქმით, დღვანდელ პროცესზე ჯერ ბრალდების, ხოლო შემდეგ დაცვის მხარემ წარდგება დასკვნითი სიტყვით. ადვოკატი დარწმუნებულია, რომ მტკიცებულებების არარსებობის გამო, ბრალდების მხარე საკუთარი პოზიციის დადასტურებას ვერ შეძლებს.

შეგახსენებთ, პროკურატურამ ხორავას ქუჩაზე მოზარდების მკვლელობის საქმეზე მტკიცებულებების ნაწილი და ვიდეოკადრები გაასაჯაროვა.

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით