ზაზა სარალიძის შეხვედრა პროკურატურაში ჩაიშალა.  ხორავას ქუჩაზე მოკლული დავით სარალიძის მამა მთავარ პროკურორთან შეხვედრას არასამთავრობოების, „სამართალდამცველთა რეფორმირების ცენტრისა“ და „ადამიანის უფლებათა ცენტრის“  ხელმძღვანელების თანდასწრებით ითხოვდა, რაზეც პროკურატურის  წარმომადგენელმა უარი განაცხადეს და აღნიშნეს, რომ მთავარი პროკურორი სარალიძეს მხოლოდ პირისპირ შეხვდებოდა.

როგორც მხარეებს პროკურატურის ადმინისტრაციის უფროსმა მაგდა კაპანაძემ  განუმარტა, ვინაიდან საქმე ეხება არასრულწლოვნებს, გარე პირებს აღნიშნული შინაარსის განხილვებში მონაწილეობის უფლება არ აქვთ. 

ამ ფაქტს უწყებაში სიტყვიერი დაპირისპირება მოჰყვა. ზაზა სარალიძის თქმით, მის კითხვებს არც სასამართლოში და არც პროკურატურაში არ პასუხობენ.

„რომელ საქმის პროკურორთან, რომელიც შეურაცხყოფას მაყენებს მე იქ პროკურატურაში, რომელიც შეურაცხყოფას მაყენებს მე და მითვალთვალებენ მე, იმ პროკურორებს ვესაუბრო? იმ პროკურორებს ვესაუბრო, რომელიც მაფურთხებენ სახეში და მეუბნებიან, რომ ჩემი შვილი რომელიღაც პარტიას მივყიდე?“ - განაცხადა ზაზა სარალიძემ.

ზაზა სარალიძის შეფასებით, ირაკლი შოთაძეს შეეშინდა იმ კითხვებზე პასუხების გაცემის, რომელიც საქმეში არსებობს. 

მაგდა კაპანაძს თქმით,   მთავარ პროკურორთან შეხვედრის დროს ხორავას ქუჩის საქმის კონკრეტულ დეტალებზე უნდა ესაუბრათ და ზაზა სარალიძესთან ერთად მყოფ პირებს არ აქვთ უფლება, რომ ფლობდნენ ამ ინფორმაციას.

„ვინაიდან ეს ფორმატი ითვალისწინებდა ბატონ ირაკლისთან და პროკურორთა ჯგუფთან შეხვედრის დროს კონკრეტულ დეტალებზე, კონკრეტულ საპროცესო საგამოძიებო მოქმედებებზე საუბარს და კითხვებზე პასუხის გაცემას, რომელიც ჰქონდა ბატონ ზაზას, ბუნებრივია, ამ მოთხოვნის გათვალისწინებით შეხვედრას ვერ დაესწრებოდნენ ის ადამიანები, რომლებსაც არ ჰქონდათ არც ორდერი და შესაბამისად, არ ჰქონდათ უფლება, სცოდნოდათ და იცოდნენ კონკრეტული დეტალები საქმის შესახებ", - განაცხადა მაგდა კაპანაძემ.

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით