კანდელაკი: მნიშვნელოვანია, სტრასბურგის გადაწყვეტილების შემდეგ მთავრობამ აღსრულებაზე ყურადღება არ მოადუნოს

2018-05-23 11:27:25, 1263 ნახვა

კომენტარი

„მნიშვნელოვანია, ჩვენმა მთავრობამ სტრასბურგის გადაწყვეტილების შემდეგ აღსრულებაზე ყურადღება არ მოადუნოს“, - ამის შესახებ ევროპული საქართველოს წევრმა გიორგი კანდელაკმა სტრასბურგის ადამიანის უფლებათა სასამართლოში რუსეთის წინააღმდეგ შეტანილი სარჩელის განხილვასთან დაკავშირებით განაცხადა.

„შინაარსობრივი სამუშაო დიდი ხნის გაწეულია. ამ სარჩელთან დაკავაშირებით ოპტიმისტურად ვარ განწყობილი, მაგრამ ძალიან მნიშვნელოვანია რომ გადაწყვეტილების შემდეგ, აღსრულებაზე ყურადღება არ მოადუნოს ჩვენმა მთავრობამ. რასაც ადგილი ჰქონდა მეორე, სახელმწიფოთა შორის სარჩელის შემთხვევაში, რომელიც ეხებოდა 2006 წელს რუსეთის ფედერაციის მიერ ათასობით გამოძევებული ქართველის უფლებას“, - განაცხადა გიორგი კანდელაკმა.

ცნობისთვის, ადამიანის უფლებათა ევროპულ სასამართლოში საქმეზე „საქართველო რუსეთის წინააღმდეგ (II)“ დღეს ბოლო მოსმენა გაიმართება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები