საქართველოს პირველი დამოუკიდებელი რესპუბლიკის 100 წლის იუბილესთან დაკავშირებით, ღვინის ეროვნულ სააგენტოს “ქართული სასწავლებელ თბილისის“ მოსწავლეები ესტუმრნენ.

სკოლის მოსწავლეებმა დაათვალიერეს სააგენტოში განთავსებული მარანი, ენოთეკა და მუზეუმი. მიიღეს ინფორმაცია ქართული ღვინის კულტურის 8-ათასწლიან ისტორიაზე, ქართული ვაზის ჯიშებზე, დამოუკიდებლობის მოპოვების მნიშვნელობაზე სოფლის მეურნეობის დარგის და მათ შორის მევენახეობა-მეღვინოების განვითარების მიმართულებით.

ბავშვებისთვის მოეწყო სამეცნიერო ფილმის „საქართველო - ღვინის აკვანი“ ჩვენება. მოსწავლეებმა ღვინის ეროვნულ სააგენტოში მოწყობილი საქართველოს პირველი დამოუკიდებელი რესპუბლიკის შექმინსადმი მიძღვნილი ფოტო-გამოფენაც დაათვალიერეს.

ქართული ღვინის კულტურისა და ტრადიციების 8-ათასწლოვანი ისტორიის ფონზე, საქართველოს პირველი დამოუკიდებელი რესპუბლიკის შექმნა მეღვინეობის ინდუსტრიისა და დარგის მეცნიერული განვითარების მიმართულებისთვის მნიშვნელოვანი ბიძგის მიმცემი იყო.

დამოუკიდებლობის მოპოვების პირველივე დღიდან, საქართველო რევოლუციებისა და ომებისგან დანგრეული ეკონომიკის აღდგენას შეუდგა, რომლის ერთ-ერთი საფუძველი სოფლის მეურნეობა და მევენახეობა-მეღვინეობის დარგი იყო.

ეს პერიოდი განსაკუთრებით მნიშვნელოვანია მეღვინეობა-მევენახეობის სწავლების მიმართულებით, რადგან 1920 წელს საქართველოს მევენახეობის მეცნიერულ განვითარებას ჩაეყარა საფუძველი.

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის