ბექა წიქარიშვილი: შს მინისტრთან მოლაპარაკება გრძელდება - შესაძლოა, მნიშვნელოვანი შედეგები მივიღოთ

2018-05-13 23:34:57, 1461 ნახვა

კომენტარი

„თეთრი ხმაურის მოძრაობის“ ორგანიზატორი ბექა წიქარიშვილი შინაგან საქმეთა მინისტრ გიორგი გახარიასთან მიმდინარე შეხვედრიდან რამდენიმე წუთით გამოვიდა და მხარდამჭერებს მიმართა.

წიქარიშვილმა აქციის მონაწილეებს სიმშვიდისკენ მოუწოდა და აღნიშნა, რომ შესაძლოა, მინისტრთან მნიშვნელოვანი მოლაპარაკება შედგეს.

„ყველა ჩვენ მოთხოვნაზე მიდის ძალიან მნიშვნელოვანი მოლაპარაკებები. შესაძლოა ჩვენ მივიღოთ მართლაც მნიშვნელოვანი შედეგები, ამიტომ უმორჩილესად გთხოვთ, რაღაც პერიოდის განმავლობაში შევინარჩუნოთ სიმშვიდე, რადგან ეს არის ჩვენი ტონი. დავბრუნდები, მოვალ და გეტყვით ყველაფერს. მთავარია ვიყოთ ერთიანად, ძლიერად, მტკიცედ. მადლობა რომ ხართ აქ და იბრძვით სიმართლისთვის“, - განაცხადა წიქარიშვილმა და შეხვედრაზე დაბრუნდა.

ცნობისთვის, დაახლოებით ნახევარი საათია, რაც შს მინისტრი პარლამენტში აქციის ორგანიზატორებს ხვდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები