აქციის მონაწილეებმა პარლამენტის შენობასთან კარვები გაშალეს

2018-05-12 23:11:56, 1816 ნახვა

საზოგადოება

აქციის მონაწილეებმა პარლამენტის შენობასთან კარვები გაშალეს - ვიდეო

პარლამენტის მიმდებარე ტერიტორიაზე სადაც საპროტესტო აქცია მიმდინარეობს, მომიტინგეებმა 3 კარავი გაშალეს.

როგორც ისინი აცხადებენ დაშლას არ აპირებენ და ადგილზე კიდევ უფრო მეტ კარავს გაშლიან.

სამართალდამცველებს მონაწილეებისთვის ჯერჯერობით წინააღმდეგობა არ გაუწევიათ.

ცნობისთვის, პარლამენტის შენობასთან ღამის კლუბებში ჩატარებულ სპეცოპერაციას ათასობით ადამიანი აპროტესტებს.

მათი მთავარი მოთხოვნებია: დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.