დაბრუნდა პოლიტიკაში პარტიის თავჯდომარის რანგში და ეს არის ძალიან მნიშვნელოვანი გადაწყვეტილება, რაც იქნება ახალი ეტაპის დასაწყისი, - ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ პარტიის რიგით მეხუთე ყრილობის დასრულების შემდეგ ჟურნალისტებს განუცხადა.

მისი თქმით,  ივანიშვილის დაბრუნება ქვეყანაში პოლიტიკური პროცესების განვითარებასა და გაჯანსაღებას ხელს შეუწყობს.

„ეს იყო ჩვენი პარტიისთვის და ასევე ჩვენი ქვეყნისთვის  ძალიან მნიშვნელოვანი ღონისძიება. ჩვენი პარტიის ყრილობა სადაც მიღებულ იქნა ძალიან მნიშვნელოვანი გადაწყვეტილებები. განახლდა პოლიტსაბჭოს შემადგენლობა. ასევე გაფორმდა საბოლოოდ ბიძინა ივანიშვილის გადაწყვეტილება, პოლიტიკაში დაბრუნების თაობაზე. ის დაბრუნდა პოლიტიკაში პარტიის თავჯდომარის რანგში და ეს არის ძალიან მნიშვნელოვანი გადაწყვეტილება რაც იქნება ახალი ეტაპის დასაწყისი.  ვგულისხმობ პარტიის განვითარების პროცესს და ზოგადად ჩვენ ქვეყანაში პოლიტიკური პროცესების განვითარებას“,-  განაცხადა კობახიძემ.

რაც შეეხება გუნდში არსებულ დაპირისპირებას, კობახიძის თქმით, ეს საკითხი უკვე მოგვარებულია.

„როგორც კი გააკეთა ბატონმა ბიძინა ივანიშვილმა განცხადება პოლიტიკაში მისი დაბრუნების თაობაზე, მყისიერად ეს მცირე პრობლემები მოგვარდა. ბატონ  ბიძინა ივანიშვილს აქვს ნდობა და შესაბამისი პოლიტიკური წონა, რომ ასეთი პრობლემები ძალიან მარტივად გადაჭრას“, - განაცხადა კობახიძემ.

პარლამენტის თავმჯდომარემ ივანიშვილის სიტყვით გამოსვლისას გაჟღერებულ გზავნილებზეც გაამახვილა ყურადღება და აღნიშნა რომ სწორედ ეს გზავნილები იყო 2012 წლიდან დემოკრატიის გარდატეხის მთავარი მონაპოვარი.

„ბატონი ბიძინა ივანიშვილის მოხსენებაში გაჟღერდა ძალიან მნიშვნელოვანი გზავნილები. აქ იყო კონცეპტუალური მნიშვნელობის გზავნილები. განსაკუთრებით ხაზს გავუსვამ იმ გზავნილს, რომელიც უკავშირდებოდა ეკონომიკისა და დემოკრატიის  ურთიერთმიმართებას.  ივანიშვილმა აღნიშნა, რომ უნდა დაეწიოს ეკონომიკა დემოკრატიას და არა პირიქით.  ეს არის კონცეფცია, რომელსაც დაეფუძნა ჩვენი ქვეყნა 2012 წლიდან და ეს იყო ჩვენი დემოკრატიული გარდატეხის მთავარი მონაპოვარი და როგორც მოგეხსენებათ, ამ გარდატეხის მთავარი შემოქმედი და ავტორი გახლდათ, სწორედ ბატონი ბიძინა ივანიშვილი და სწორედ ის იქნება მთავარი გარანტი იმისა, რომ ამ ხაზს „ქართული ოცნება“ და ჩვენი სახელმწიფო არ  გადაუხვევს“,- აღნიშნა კობახიძემ.

ავტორი: ,

სოციალური ქსელები

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს

ირაკლი კუპრაძე: ვერაფერი გადაფარავს სიმართლეს - ალეკო ელისაშვილის დაჩაგვრას ცდილობს მურუსიძის სასამართლო, არ გამოვა ეგ საქმე