საქართველო ენერგეტიკის, ენერგობაზრის განვითარების და ენერგოეფექტურობის მიმართულებით მნიშვნელოვან რეფორმებს გაატარებს, - შესაბამისი განზრახულობათა დეკლარაცია საქართველოს მთავრობას, გერმანიის რეკონსტრუქციის საკრედიტო ბანკსა (KFW) და საფრანგეთის განვითარების სააგენტოს (AFD) შორის ფორმდება.

როგორც საქართველოს პრემიერ-მინისტრმა მთავრობის დღევანდელ სხდომაზე განაცხადა, ენერგეტიკის სფეროს განვითარება, ენერგოდამოუკიდებლობის გაძლიერება და გამყარება ქვეყნისთვის სტრატეგიულად უმნიშვნელოვანესია, ამიტომ, აუცილებელია, ამ მიმართულებით გადაიდგას კონკრეტული ნაბიჯები, მათ შორის, ენერგოეფექტურობის ეროვნული სამოქმედო გეგმის მიღება, რაც გათვალისწინებულია ევროპის ენერგეტიკულ გაერთიანებაში საქართველოს გაწევრიანებით.

„მნიშვნელოვანია, რომ რეფორმის, რომელსაც ეკონომიკისა და ენერგეტიკის სამინისტრო განახორციელებს, მხარდამჭერი პროგრამა 2018-2021 წლებზეა გათვლილი. ხელშეკრულებები, რომლებიც ევროპელ პარტნიორებთან გაფორმდება, ხელს შეუწყობს ისეთი პროექტების განხორციელებას, როგორიცაა - ელექტროენერგიის კონკურენტული ბაზრის განვითარება, საქართველოს ელექტროენერგიის ჰაბად გადაქცევა, განახლებადი ენერგიების ათვისება და ენერგოეფექტურობის ჩარჩოს მიღება და ამ სფეროს მნიშვნელოვანი დერეგულაცია, რაც ვფიქრობთ, კონკურენტული ბაზრის ჩამოყალიბების საფუძველთა საფუძველია. უნდა ვაღიაროთ, რომ დღეს ამ მიმართულებით გვაქვს განვითარების მნიშვნელოვანი რეზერვი და სწორედ ამ ნაბიჯების გადადგმას გულისხმობს ეს ღონისძიებები. განსაზღვრული ღონისძიებების განხორციელების შემდეგ, შესაძლებელია, რომ უკვე წელს, გერმანიის რეკონსტრუქციის საკრედიტო ბანკმა საქართველოს 49 მლნ ევრო, ხოლო  საფრანგეთის განვითარების სააგენტომ - 25 მლნ ევროს ოდენობის ფინანსური რესურსი“, - განაცხადა გიორგი კვირიკაშვილმა.

ავტორი: ,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო