კობახიძე: პარლამენტი მზადაა, განიხილოს ყველა ღონისძიება, რომელიც ვეტერანებს დაეხმარება

2018-05-09 11:11:20, 1561 ნახვა

კომენტარი

საქართველოს პარლამენტის თავმჯდომარის ირაკლი კობახიძის განცხადებით, ქვეყნის ვალია, თითოეული ვეტერანისთვის ღირსეული პირობები შექმნას.

კობახიძემ უცნობი ჯარისკაცის მემორიალი გვირგვინით შეამკო და ვეტერანებს ფაშიზმზე გამარჯვების დღე მიულოცა.

„დღეს არის მსოფლიოს უდიდეს ბოროტებაზე, ფაშიზმზე გამარჯვების დღე, მინდა ეს დღე მივულოცო ყველას, განსაკუთრებით ჩვენს ვეტერანებს. მინდა, მათ მხნეობა და ჯანმრთელობა ვუსურვო. ეს არის უმნიშვნელოვანესი დღე ისტორიაში და ამ დღეს ვულოცავ ყველას. ჩვენი ვალია, რომ შევქმნათ ღირსეული პირობები თითოეული ვეტერანისთვის და ამისთვის ყველაფერი უნდა გაკეთდეს, ამისთვის კეთდება ბევრი რამ. პარლამენტი მზად არის, რომ განიხილოს ყველა ის ღონისძიება, რომელიც დამატებით შეიძლება დაეხმაროს ჩვენს ვეტერანებს ღირსეული ცხოვრების პირობების უზრუნველყოფაში”, - განაცხდა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები