„როდესაც პარლამენტში პრეზიდენტი წელიწადში ერთხელ მობრძანდება და მთავრობა გაქცეულია დარბაზიდან, ეს მოსაწონი არ არის“, - ამის შესახებ „პატრიოტთა ალიანსის“ წევრმა ადა მარშანიამ პლენარულ სხდომაზე სიტყვით გამოსვლისას განაცხადა.

„ჩვენმა მთავრობამ ფორმალურად მოგისმინათ, აიკრიფნენ და წავიდნენ, ეტყობა საქართველოს პრობლემების გადასაწყვეტად გაეშურნენ თბილისში. არ არის ეს ნორმალური. როდესაც პარლამენტში, პრეზიდენტი წელიწადში ერთხელ მობრძანდება, ჩვენს შორის - პარლამენტს, პრეზიდენტს და მთავრობას შორის უნდა გაიმართოს საგნობრივი, სერიოზული საუბარი და მთავრობა ასე გაქცეულია დარბაზიდან, ნამდვილად არ არის ეს მოსაწონი. შეგახსენებთ პარლამენტის წევრებო, რომ აღვადგინოთ მთავრობის საათი, სირცხვილია, რისთვის არის პარლამენტი და მთავრობა, თუ ერთმანეთს არ ელაპარაკება“, - განაცხადა მარშანიამ.

დეპუტატის თქმით, გიორგი მარგველაშილი მისთვის ასბოლუტურად მისაღები პიროვნებაა, თუმცა მიიჩნევს, რომ ქვეყანას სხვა ხასიათის პრეზიდენტი სჭირდება.

„ჩემი თვალსაზრისით თქვენ, როგორც ადამიანი და პიროვნება, მოაზროვნე, აბსოლუტურად მისაღები ადამიანი და პიროვნება ბრძანდებით, უბრალოდ, ჩვენს რთულ პოლიტიკურ რეალობაში ქვეყანას სხვა ხასიათის პრეზიდენტი სჭირდება. უფრო მკაცრი ხასიათია საჭირო“, - განაცხადა ადა მარშანიამ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია