სომხეთის პარლამენტმა ნიკოლ ფაშინიანი პრემიერ-მინისტრად არ აირჩია

2018-05-02 10:23:57, 1988 ნახვა

მსოფლიო

სომხეთის პარლამენტმა ნიკოლ ფაშინიანი პრემიერ-მინისტრად არ აირჩია.

ფაშინიანის კანდიდატურას 45-მა დეპუტატმა დაუჭირა მხარი, ხოლო 55 წინააღმდეგი იყო. პრემიერის თანამდებობაზე ასარჩევად ფაშინიანს სულ მცირე 53 დეპუტატის მხარდაჭერა სჭირდებოდა.

კენჭისყრის დასრულებისთანავე ის ქუჩაში საპროტესტო აქციაზე გავიდა, სადაც მას რამდენიმე ათეული ათასი მხარდამჭერი დახვდა. სომხეთის ოპოზიციის ლიდერმა მხარდამჭერებს ქუჩების გადაკეტვისკენ და აეროპორტის ბლოკირებისკენ მოუწოდა.

დილიდან, მხარდამჭერებმა აეროპორტის გზის ბლოკირება დაიწყეს.

განმეორებითი კენჭისყრა ერთ კვირაში უნდა გაიმართოს. თუ პრემიერის არჩევა მაშინაც ვერ მოხერხდება, 40-დღიან ვადაში პარლამენტის ვადამდელი არჩევნები უნდა გაიმართოს.

სომხეთის პრემიერ-მინისტრის თანამდებობაზე მხოლოდ ერთი, ნიკო ფაშინიანის კანდიდატურა იყო წარდგენილი. კანონმდებლობით შესაძლებელია, განმეორებითი კენჭისყრის დროს სხვა კანდიდატებიც დასახელდეს.