ბორჯომში, სოფელ საკირეთში ხანძრის გამომწვევი მიზეზი ადამიანური ფაქტორია, - ამის შესახებ ჟურნალისტებს საგანგებო სიტუაციების მართვის სამსახურის უფროსმა გიორგი მღებრიშვილმა განუცხადა.

მისი თქმით, ადგილზე საგანგებო სიტუაციების მართვის სამსახურის დამატებითი ძალები იქნება მობილიზებული.

"მიზეზი ცალსახად და ერთმნიშვნელოვნად შემიძლია გითხრათ, რომ არის ადამიანური ფაქტორი. ყველანაირად გამოვრიცხავ ბუნებრივ ფაქტორს, რადგან ამ პერიოდში ბუნებრივად ხანძრის გაჩენა პრაქტიკულად წარმოუდგენელია. მიზანმიმართული იყო თუ დაუდევარი მოქმედება, ამას ალბათ კომპეტენტური ორგანოები დაადგენენ", - განაცხადა გიორგი მღებრიშვილმა.

მღებრიშვილის ინფორმაციით, ხანძარი ბორჯომში 2 ჰექტრამდე ტერიტორიაზე გაჩნდა და მეხანძრე-მაშველებს ათი სხვადასხვა კერის ჩაქრობა უწევდათ.

რთული რელიეფის მიუხედავად მთელი ღამის განმავლობაში თავდაუზოგავად იშრომეს მეხანძრე-მაშველებმა. ამ ეტაპისთვის ხანძარი ლოკალიზებულია. ხანძრის ქრობის პროცესში დაახლოებით 50-მდე მეხანძრე იყო ჩართული. თბილისიდან გამოძახებულია დამატებითი ძალები და დაახლოებით 70 მეხანძრე-მაშველი შემოემატება მათ იმისთვის, რომ ორი დღის განმავლობაში მკაცრი მონიტორინგი დაწესდეს, რათა სადმე კიდევ არ დარჩეს ცეცხლის კერა. ჩვენი სამსახურის სპეციალისტები ასევე დრონებითაც განახორციელებენ მონიტორინგს. ცეცხლის გავრცელების საფრთხე ამ ეტაპზე არ არსებობს და მიმდინარეობს სალიკვიდაციო სამუშაოები“, - განაცხადა მღებრიშვილმა.

შეგახსენებთ, რომ ბორჯომში ხანძარი გუშინ ღამით გაჩნდა და 2 ჰექტრამდე ტერიტორიაზე გავრცელდა. ამჟამად ხანძარი ლოკალიზებულია და სალიკვიდაციო სამუშაოები მიმდინარეობს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია