მდინარაძე უგულავას პლაკატების ჩამოხევაზე: მმართველი პარტიის ინტერესებში ამ სისულელეების კეთება არ არის

2018-04-28 12:42:15, 1668 ნახვა

კომენტარი

საპარლამენტო ფრაქცია "ქართული ოცნების" თავმჯდომარის მამუკა მდინარაძის განცხადებით, ვანსა და ხონში წინასაარჩევნო კამპანია მშვიდ და გამჭვირვალე გარემოში მიმდინარეობდა.

საპარლამენტო უმრავლესობის წერვი რეგიონში "ევროპული საქართველოს" მაჟორიტარობის კანდიდატის გიგი უგულავას ბანერების ჩამოხევასაც გამოეხმაურა.

მდინარაძის თქმით, მმართველი პარტიის ინტერესებში მსგავსი სისულელეების კეთება არ არის.

"ძალიან დიდი ხანია ამ ადამიანმა დაიწყო საარჩევნო კამპანია და არც ერთი მისი გადადგმული ნაბიჯი არ ყოფილა შეფერხებული. პირიქით იყო ხელშეწყობა ყველა მხრიდან, რომ საარჩევნო კამპანია ყოფილიყო გამჭვირვალე. დღეს, ბოლო დღეს ვიღაცამ ბანერი ჩამოხია, ვიღაცამ პლაკატი ჩამოხია და როგორც ჩანს მართლაც ასეა, რომ უჩვეულოდ მშვიდ ვითარებაში მიდის ყველაფერი. ვის ინტეერესშია ბანერის თუ პლაკატის ჩამოხევა და ვინ გააკეთა - არ მინდა ვინმეს რამე დავაბრალო, თუმცა ნამდვილად არ არის მმართველი პარტიის ინტერესებში ამ სისულელეების კეთება", - განაცხადა მდინარაძემ.

ცნობისთვის, №54-ე მაჟორიტარულ საარჩევნო ოლქში (ვანისა და ხონის მუნიციპალიტეტების სამოქმედო ტერიტორია) საქართველოს პარლამენტის შუალედური არჩევნები იმართება. საქართველოს პარლამენტის შუალედურ არჩევნებში 6 კანდიდატი მონაწილეობს. მათგან 5 წარდგენილია პოლიტიკური გაერთიანების, ხოლო ერთი - საინიციატივო ჯგუფის მიერ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები