ოპოიციონერი დეპუტატის ნიკოლ ფაშინიანის შეხვედრა სომხეთის პრემიერ-მინისტრის მოვალეობის შემსრულებელთან კარენ კარაპეტიანთან არ შედგა, - ამის შესახებ "რია ნოვოსტი" იუწყება.

მედია საშუალების ინფორმაციით, ოპოზიციასა და ხელისუფლებას შორის მოლაპარაკებების მეორე რაუნდი დღეს უნდა გამართულიყო.

კარენ კარაპეტიანმა შეხვედრის ჩაშლის მიზეზად მოლაპარაკებების უპერსპექტივობა დაასახელა.

თავის მხრივ, ნიკოლ ფაშინიანმა კარაპეტიანს თანამდებობის დატოვებისკენ მოუწოდა.

"მან თანამდებობა უნდა დატოვოს, წინააღმდეგ შემთხვევაში ჩვენ ვადამდელ არჩევნებს ბოიკოტს გამოვუცხადებთ. გარდა ამისა, არჩევნების დღეს საარჩევნო უბნების ბლოკირებას მოვახდენთ. ამასთან, ოპოზიცია არ გამოუცხადებს ბოიკოტს ამ არჩევნებს, თუ პრემიერად მე დამნიშნავენ. თუ ასე არ მოხდება, მაშინ სომხეთში პრემიერს საერთოდ არ აირჩევენ", - განაცხადა ფაშინიანმა.

ცნობისთვის, 25 აპრილს ოპოზიციამ ნიკოლ ფაშინიანი პრემიერ-მინისტრობის კანდიდატად წარადგინა.

ავტორი: ,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები