სომხეთის ყოფილმა პრეზიდენტმა და პრემიერ-მინისტრმა სერჟ სარგსიანმა, მმართველი "რესპუბლიკური პარტიის" ლიდერის პოსტიც დატოვა.

რუსული მედიის ინფორმაციით, ამის შესახებ პარტიის ფრაქციის დეპუტატებთან სარგსიანისა და პრემიერის მოვალეობის შემსრულებლის კარენ კარაპეტიანის შეხვედრის შემდეგ გახდა ცნობილი.

„მიღებულია გადაწყვეტილება, დაიწყოს დისკუსიები "რესპუბლიკური პარტიის" თავმჯდომარის შეცვლის შესახებ. ყოფილმა პრეზიდენტმა და ყოფილმა პრემიერმა სერჟ სარგსიანმა შეხვედრის მონაწილეებს განუმარტა საკუთარი გადადგომის მიზეზი, მან „რესპუბლიკური პარტიის“ ფრაქციის მუშაობის სხვა სცენარი წარმოადგინა, რათა პარლამენტში და ქვეყანაში მშვიდობა და სტაბილურობა შენარჩუნებულიყო", - ნათქვამია პარტიის განცხადებაში.

ახალი თავმჯდომარის კანდიდატურა ჯერჯერობით არ წარუდგენიათ.

ასევე, შეხვედრაზე გადაწყდა, რომ „რესპუბლიკური პარტია“  მზად არის მოლაპარაკებებისთვის ყოველგვარი წინაპირობების გარეშე.

შეგახსენებთ, 31 მარტიდან პარტია „სამოქალაქო თანხმობა“ სომხეთის ქალაქებში მსვლელობებს მართავდა, რაც 13 აპრილს ერევანში გამართული მიტინგით და საფრანგეთის მოედანზე მჯდომარე აქციით დასრულდა. 14 აპრილს აქციის მონაწილეები სომხეთის საზოგადოებრივი რადიოს შენობაში შეიჭრნენ და ეთერი მოითხოვეს. ისინი პრემიერ-მინისტრად სერჟ სარგსიანის წარდგენას აპროტესტებედნენ. ვითარება ერევანში 16 აპრილს დაიძაბა, როდესაც მომიტინგეებმა პარლამენტის შენობაში შეღწევა სცადეს. აღნიშნულს მოჰყვა ფიზიკური დაპირისპირება, რის შედეგადაც 46 ადამიანი დაშავდა, მათ შორის 6 პოლიციელი. ამის მიუხედავად, სომხეთის პარლამენტმა პრემიერის პოსტზე სერჟ სარგსიანი 17 აპრილს, ხმათა უმრავლესობით დაამტკიცა, თუმცა,  23 აპრილს სარგსიანი თანამდებობიდან გადადგა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია