ოკუპირებული სამხრეთ ოსეთის დე-ფაქტო პრეზიდენტმა ანატოლი ბიბილოვმა, სირიის პრეზიდენტი ბაშარ ასადი ცხინვალში დაპატიჟა.

ამის შესახებ ინფორმაციას ე.წ. პრეზიდენტის პრესსამსახურზე დაყრდნობით „სპუტნიკი“ ავრცელებს.

მედიის ცნობით, ბიბილოვი სირიის დელეგაციას იალტაში, საერთაშორისო ეკონომიკური ფორუმის ფარგლებში შეხვდა და ოსი ხალხის სახელით სირიას სოლიდარობა გამოუცხადა.

„ყურადღებით ვადევნებთ თვალს სირიაში მიმდინარე მოვლენებს. სამხრეთ ოსეთის მოსახლეობა თანაუგრძნობს სირიელ ხალხს, ვინაიდან კარგად ესმის, რასთან გაქვთ საქმე. დარწმუნებული ვარ, რომ სამართლიანობა იზეიმებს და სირიელი ხალხი კვლავ მშვიდობაში იცხოვრებს. ამაში დიდ წვლილს რუსეთის მიერ გამოყოფილი დახმარებაც შეიტანს“, - განაცხადა ანატოლი ბიბილოვმა.

„სპუტნიკის“ ცნობით, სირიის ეკონომიკის მინისტრმა, სამარ ალ ხალილმა ბიბილოვთან საუბრისას აღნიშნა, რომ სირიაში სამოქალაქო ომი დასავლეთის აგრესიული ქმდებების ბრალია.

„ასი ათასობით რადიკალი, რომლებიც უცხო ქვეყნებიდან ჩამოვიდნენსირიის ლეგიტიმურ მთავრობას დაუპირისპირდნენ რათა ჩვენი ქვეყანა გაენადგურებინათ“,- განაცხადა ხალილმა.

ავტორი: ,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები