სომხეთში ანტისამთავრობო აქცია გრძელდება. დემონსტრანტები დილიდან მთავრობის სასახლესთან შეიკრიბნენ და მისი ბლოკირება სცადეს.

ადგილობრივი მედიის ინფორმაციით, მას შემდეგ, რაც სომხეთის სპეციალური დანიშნულების რაზმმა მთავრობის სახლთან შეკრებილი დემონსტრანტების ტერიტორიიდან გაყვანა დაიწყო, აქციის მონაწილეებმა მთავრობის სასახლის ტერიტორია დატოვეს და მსვლელობით ხანჯიანის ქუჩისკენ მიემართებიან.

ოპოზიციონერი დეპუტატის ნიკოლ ფაშინიანის თქმით, ისინი ტაქტიკას ცვლიან.

„არ გადავკეტავთ გზას, გზის გასწვრივ ორივე მხარეს დავდგებით და მძღოლებს მივმართავთ სიტყვებით – თუ სერჟის წინააღმდეგ ხარ, დაასიგნალე. ვნახოთ, რა მოხდება“, – განაცხადა ფაშინიანმა.

ბოლო მონაცემებით, პოლიციამ 88 დემონსტრანტი დააკავა, თუმცა მოგვიანებით, 30 მათგანი გაათავისუფლა.

ცნობისთვის, ვითარება ერევანში ორშაბათს დაიძაბა, როდესაც მომიტინგეებმა პარლამენტის შენობაში შეღწევა სცადეს. აღნიშნულს მოჰყვა ფიზიკური დაპირისპირება, რის შედეგადაც 46 ადამიანი დაშავდა, მათ შორის 6 პოლიციელი.

შეგახსენებთ, რომ 31 მარტიდან პარტია „სამოქალაქო თანხმობა“ სომხეთის ქალაქებში მსვლელობებს მართავდა, რაც 13 აპრილს ერევანში გამართული მიტინგით და საფრანგეთის მოედანზე მჯდომარე აქციით დასრულდა. 14 აპრილს აქციის მონაწილეები სომხეთის საზოგადოებრივი რადიოს შენობაში შეიჭრნენ და ეთერი მოითხოვეს. ოპოზიცია გრძელვადიან აქციებსა და გაფიცვებს აანონსებს. აქციის მონაწილეები პრემიერ-მინისტრად სერჟ სარგსიანის დანიშვნას აპროტესტებენ. ამასთან, სომხეთის პარლამენტმა პრემიერის პოსტზე სერჟ სარგსიანი 17 აპრილს, ხმათა უმრავლესობით დაამტკიცა.

ავტორი: ,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები