გახარია ტატუნაშვილზე: გამოვიყენებთ ყველა ინსტრუმენტს, რომელიც სრულფასოვანი ექსპერტიზის ჩასატარებლად დაგვჭირდება

2018-04-17 15:36:24, 1403 ნახვა

კომენტარი

„გამოვიყენებთ ყველა ინსტრუმენტს, რომელიც სრულფასოვანი ექსპერტიზის ჩასატარებლად დაგვჭირდება“, - ამის შესახებ შინაგან საქმეთა მინისტრმა გიორგი გახარიამ არჩილ ტატუნაშვილის ორგანოების გადმოცემის საკითხთან დაკავშირებით ჟურნალისტებს განუცხადა.

„ამ ტრაგიკულ შემთხვევასთან მიმართებაში გამოძიება მიმდინარეობს. დღეს მე არ მაქვს საკმარისი ინფორმაცია, რომ ამ კონკრეტულ შეკითხვას, ორგანოების გადმოცემის საკითხს ვუპასუხო, ამაზე ჩვენ ვმუშაობთ. ჩვენი ძირითადი ამოცანა გახლავთ ის რომ ექსპერტიზა, რაც შეიძლება ეფექტური, ყოვლისმომცველი იყოს. ექსპერტიზა არის ჩვენი ძირითადი კომპონენტი, ძირითადი ინსტრუმენტი საგამოძიებო პროცესის ლოგიკურ დასასრულამდე მიყვანისთვის, ამიტომ ჩვენ გამოვიყენებთ ყველა იმ სეგმენტს, რომელიც დაგვჭირდება სრულფასოვანი ექსპერტიზის ჩასატარებლად, მათ შორის, საერთაშორისო ექსპერტების მოწვევის კომპონენტიც“, - განაცხადა გიორგი გახარიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები