AIIB ანაკლიის პორტის პროექტით დაინტერესდა

2018-04-13 14:57:00, 1666 ნახვა

ეკონომიკა

აზიის ინფრასტრუქტურის და ინვესტიციების ბანკი (AIIB) ანაკლიის ღრმაწყლოვანი პორტის პროექტს განიხილავს, - ასეთი იყო საქართველოს პირველი ვიცე-პრემიერიs, ეკონომიკისა და მდგრადი განვითარების მინისტრის დიმიტრი ქუმსიშვილის და AIIB-ის შეხვედრის მთავარი საკითხი.

შეხვედრა ბანკის სათაო ოფისში, რომელიც ჩინეთის დედაქალაქ პეკინში გაიმართა, სადაც საქართველოს პირველი ვიცე-პრემიერის სამუშაო ვიზიტი მიმდინარეობს.

ბანკის პრეზიდენტთან ძინ ლიცუნთან და მის მოადგილეებთან შეხვედრაზე განსაკუთრებული აქცენტი გაკეთდა ანაკლიის პორტის საკითხზე. აღინიშნა, რომ ბანკის სპეციალისტთა ჯგუფი უკვე სწავლობს ანაკლიის ღრმაწყლოვანი პორტის პროექტს. მათ მიერ სამუშაოს დასრულების შემდეგ, საკითხი ბანკის მმართველთა საბჭოზე იქნება განხილული და დამტკიცებული.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები