2018-04-05 14:55:03, 1699 ნახვა
კომენტარი
ეკონომიკის სამინისტროს წარმომადგენელი: შახტის ტექნიკური ინსპექტირება 6 თვეში ერთხელ ხორციელდება
ეკონომიკის სამინისტროს ტექნიკური და სამშენებლო ზედამხედველობის სააგენტოს წარმომადგენელის მირიან ბედიანიძის განცხადებით, შახტის ტექნიკური ინსპექტირება 6 თვეში ერთხელ ხორციელდება.
როგორც ბედიანიძემ აღნიშნა, ტყიბულში მომხდარი ტრაგედიის შესასწავლად სპეციალური სამუშაო ჯგუფია შექმნილი.
"ეს შემთხვევა წარმოადგენს ტექნიკური ინსპექტირების განხორციელების საფუძველს. ეს ინსპექტირება მყისიერად განხორციელდება. ამასთან დაკავშირებით, უკვე ჩამოყალიბებულია სამუშაო ჯგუფი. ველოდებით ასევე ჯანდაცვის სამინისტროდან, შრომის ინსპექტირების დეპარტამენტის წარმომადგენლებს და ერთობლივად, დეტალურად მოხდება ინპექტირება. ყოველ 6 თვეში ერთხელ ხორციელდება შახტის ტექნიკური ინსპექტირება. ეს არის კანონმდებლობით განსაზღვრული სავალდებულო შემოწმება და ჩვენს მიერ უპირობოდ ხორციელდება", - განაცხადა მირიან ბედიანიძემ.
![]()
ავტორი: ,
epn.ge (@expressnews.ge)
