საქართველოს პრემიერ-მინისტრის გიორგი კვირიკაშვილის შეფასებით, ეკონომიკური ზრდის კუთხით, პოზიტიური დინამიკაა.

მისივე თქმით, 2017 წელს რეალური ეკონომიკური ზრდა 5%-ის ფარგლებში დაფიქსირდა, ხოლო  2018 წლის იანვარ-თებერვალში, ასევე, ზრდის მაღალი მაჩვენებელია:

"მინდა, გამოვეხმაურო იმ პოზიტიურ დინამიკას, რომელიც გვაქვს ეკონომიკური ზრდის კუთხით. საქართველოს მთავრობის სწორი და თანმიმდევრული ეკონომიკური პოლიტიკის შედეგად გვქონდა 2017 წელს რეალური ეკონომიკური ზრდა 5%-ის ფარგლებში და 2018 წლის მიმდინარე ორ თვეში ასევე მაღალი ზრდა დაფიქსირდა. თებერვლის თვეში ეკონომიკურმა ზრდამ შეადგინა 5.5%, ჯამში იანვარ-თებერვლის მონაცემებით, 6.9% გვაქვს. მოგეხსენებათ, მსოფლიო ბანკმაც გაზარდა 2018 წლის ეკონომიკური ზრდის პროგნოზი. დაფიქსირებული პოზიტიური მაჩვენებელი მთელ რიგ მაჩვენებლებში პოზიტიური დინამიკითაა გამოწვეული, რომელთა შორისაა საწარმოო ბრუნვა, გაზრდილია ექსპორტი, ტურისტთა რაოდენობა და ასევე ფულადი გზავნილების მაჩვენებელი. ვფიქრობთ, რომ გვექნება ძალიან კარგი მაჩვენებელი წლის ბოლოს, რაც მნიშვნელოვანია ინვესტორებისთვის, რათა მათ განახორციელონ ახალი გეგმები, ახალი ინვესტიციები და ეს მაჩვენებლები, რა თქმა უნდა, იძლევა პოზიტიურ სურათს", - განაცხადა პრემიერმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია