დიდი ბრიტანეთის ხელისუფლება ოფიციალურ მოსკოვს ლონდონში, რუსეთის სავაჭრო მისიის დახურვით ემუქრება, - ამის შესახებ The Telegraph იუწყება.

მედია საშუალების ინფორმაციით, ბრიტანეთის ხელისუფლებას მიაჩნია, რომ რუსეთის სავაჭრო მისია "შპიონების ბუდეა", ხოლო მისი ლიკვიდირება "განსახილველი საკითხების ნუსხაშია".

კონფლიქტი ბრიტანეთსა და რუსეთს შორის მას შემდეგ დაიწყო, რაც ქვეყნის პრემიერმა ტერეზა მეიმ ოფიციალური კრემლი, რუსეთის დაზვერვის ყოფილი ოფიცრის სერგეი სკრიპალის მოწამლვაში და ქიმიური იარაღის "ნოვიჩოკის" გამოყენებაში დაადანაშაულა. თავის მხრივ რუსეთმა ბრალდებები უარყო. რუსეთის საგარეო უწყების წარმომადგენელმა მარია ზახაროვამ ტერეზა მეის ბრალდებებს "პოლიტიკური შოუ" უწოდა.

აღნიშნული სკანდალის აგორების შემდეგ დიდ ბრიტანეთს სოლიდარობა ნატოს- და ევროკავშირის წევრმა ქვეყნებმა გამოუცხადეს და რუსი დიპლომატები გააძევეს. ამ დროისთვის სულ 150-მდე რუსი დიპლომატია გაძევებული. საპასუხოდ, კრემლმა ამ დროისთვის 60 ქვეყნის დიპლომატის გაძევების განკარგულება გასცა.

ავტორი: ,

სოციალური ქსელები

მიხაილ ფედოროვმა უკრაინაში არჩევნების ჩატარება მოითხოვა

ტრამპს ჩრდილოეთ კორეის ლიდერთან შეხვედრა შემოდგომაზე სურს

შეერთებულმა შტატებმა საერთაშორისო სისხლის სამართლის სასამართლოს პრეზიდენტის წინააღმდეგ სანქციები დააწესა

ტრამპმა ირანთან მოლაპარაკებების დასრულებისა და ქვეყნის „დახრჩობის“ ბრძანება გასცა