ექსპერტი პოლიტიკურ საკითხებში გია ხუხაშვილი, საგარეო საქმეთა სამინისტროს მიერ ქვეყნიდან რუსი დიპლომატის გაძევების გადაწყვეტილებას დადებითად აფასებს.

როგორც ხუხაშვილმა "ექსპრესნიუსს" განუცხადა, ეს ბრიტანეთისადმი სოლიდარობის გამოხატულებაა, რომელიც აუცილებლად უნდა მომხდარიყო.

ამასთან, ექსპერტმა ქვეყნის პრემიერ-მინისტრი გიორგი კვირიკაშვილი რუსეთისთვის მიმართვის გამო გააკრიტიკა და აღნიშნულ ნაბიჯს "ბრიყვული" უწოდა.

"ვფიქრობ, რომ ეს არის ძალიან ცუდი თამაშის ლოგიკური დასასრული. რა თქმა უნდა ეს სწორი გადაწყვეტილებაა. თუ ჩვენ გვაქვს ვექტორი დასავლეთისკენ, გასაგებია, რომ სოლიდარობა ამ ფორმით უნდა გამოგვეხატა და ეს გარდაუვალი იყო. სხვა საკითხია, რომ ჩვენ დიპლომატიური ურთიერთობები არ გვაქვს რუსეთთან და შესაბამისად საკონსულო მიმართულებით, ანუ ტექნიკური საკითხებით დაკავებული თანამშრომლის გაძევება მოგვიხდა. მაგრამ ამ მთელ ისტორიაში არის ერთი ძალიან არასასიამოვნო ფაქტი, მხედველობაში მაქვს გიორგი კვირიკაშვილის ის ბრიყვული წერილი, რომელთანაც ძალიან კონტრასტირებს ყველაფერი ის, რაც შემდგომში ხდებოდა. რუსეთმა როდესაც იგივე ჟენევაში პრეტენზიები წამოაყენა ჩვენს მიმართ, ეს იყო გამომდინარე იმ წერილიდან, რაც დაწერა თავის დროზე კვირიკაშვილმა, რუსები ითხოვდნენ აბსოლუტურად ლოგიკურად ამ წერილიდან გამომდინარე - ხომ გვითხარით რომ ესეო და მოდი ახლა გავაკეთოთო. ფაქტობრივად კვირიკაშვილმა თავის სიბრიყვით უხერხულ მდგომარეობაში ჩააგდო ჩვენი დიპლომატები, რომლებიც ჟენევაში აწარმოებდნენ მოლაპარაკებებს. ეს არის შედეგი ამ სისულელეების. საბოლოო ჯამში ყველაფერი დაბრუნდა ლოგიკურ ჩარჩოებში, მაგრამ კვირიკაშვილმა აჩვენა, რომ არა თუ ქვეყნის ლიდერი არ არის, არამედ ორი ბატის ნდობა არ შეიძლება მისთვის", - განაცხადა გია ხუხაშვილმა.

ცნობისთვის, „სკრიპალის საქმის“ გამო, საქართველო რუს დიპლომატს აძევებს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია