დიდი ბრიტანეთის საგარეო საქმეთა მინისტრმა, ბორის ჯონსონმა,  რუსეთის დაზვერვის ყოფილი ოფიცრის, სერგეი სკრიპალის საქმე რუსი მწერლის, ფიოდორ დოსტოევსკის რომანს „დანაშაულს და სასჯელს“ შეადარა.

"ეს ყველაფერი "დანაშაულისა და სასჯელის" დასაწყისს ჰგავს. ჩვენ ყველანი დარწმუნებულები ვართ დამნაშავე ვინ არის, საკითხავი მხოლოდ ისაა, აღიარებს ის, თუ დაიჭერენ", - განაცხადა ჯონსონმა.

მან კიდევ ერთხელ მადლობა გადაუხადა იმ ქვეყნებს, რომლებმაც სკრიპალის საქმის გამო, დიდი ბრიტანეთს სოლიდარობა გამოუცხადეს და რუსი დიპლომატები გააძევეს.

სკრიპალები 4 მარტს ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. მოგვიანებით ყოფილი რუსი ჯაშუშის მოწამვლაში რუსეთს დასდეს ბრალი. სანქციის სახით, ბრიტანეთმა ქვეყნიდან 23 რუსი დიპლომატის გაძევების გადაწყვეტილება მიიღო. სერგეი სკრიპალის საქმის გამო რუს დიპლომატებს უკვე 30-ზე მეტი ქვეყნიდან აძევებენ.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს