„ჟენევის ფორმატს თუ რამე სჭირდება, ეს არის არა რეფორმა, არამედ ყველა მონაწილის პოლიტიკური ნება, რათა ქვეყანაში ერთხელ და სამუდამოდ დამკვიდრდეს მშვიდობა, გარანტირებული იყოს უსაფრთხოება“, - ასე გამოეხმაურა საგარეო საქმეთა მინისტრის მოადგილე დავით დონდუა რუსი კოლეგის, გრიგორი კარასინის განცხადებას, რომელმაც დისკუსიების ფორმატის ცვლილება არ გამორიცხა.

როგორც დონდუამ აღნიშნა, ამ საკითხზე შეხვედრების დრო საუბარი არ ყოფილა.

„ჟენევის ფორმატის რეფორმირებაზე საუბარი არ ყოფილა. ეს ფორმატი ერთი მხრივ, არის უნიკალური და ძალიან კარგი ინსტრუმენტი, რათა უპასუხოს იმ ამოცანებს, რომელიც არის დასმული მის წინაშე. ფორმატი ეფუძნება საერთაშორისო სამართლის, იურიდიულად სავალდებულო დოკუმენტებს და ეს არის 2008 წლის 12 აგვისტოს გაფორმებული ცეცხლის შეწყვეტის შეთანხმება. ამოცანა არის, რომ ამ ფორმატმა უპასუხოს გამოწვევებს უსაფრთხოების და ჰუმანიტარული თვალსაზრისით, რომელიც ოკუპირებულ ტერიტორიებზეა წარმოქმნილი”, – აღნიშნა დონდუამ.

ავტორი: ,

სოციალური ქსელები

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია