თბილისის მერმა კახა კალაძემ „ნაციონალური მოძრაობის“ საკრებულოს წევრის, ლევან ხაბეიშვილის ბრალდებებს უპასუხა, რომლის თანახმადაც მერმა ქალაქის ბიუჯეტიდან  თანხები მილანში ყოფნის დროს არამიზნობრივად დახარჯა.

"სასაცილოა ამაზე ლაპარაკი. კალაძეს იტალიაში კი არა, საერთოდ.... არ მინდა ამაზე ლაპარაკი. თმები შევიჭერი მილანში. ეს არის ჩემი პასუხი ხაბეიშვილის განცხადებაზე. ქალაქის ბიუჯეტიდან ავიღე თანხები, წავედი მილანში, ქალაქის ბიუჯეტიდან დავხარჯე თანხები, იქ კიდევ ვიღაცეები დავპატიჟე ბარში, რესტორანში, ესეც ქალაქის ბიუჯეტის თანხებით. მერე თმები შევიჭერი, არ ვიცი მოგწონთ თქვენ თუ არა. ესეც ქალაქის ბიუჯეტით გავაკეთე", - განაცხდა კალაძემ.

კითხვაზე - რა ოფიციალური შეხვედრები გაიმართა ქალაქის ბიუჯეტის თანხებით, კალაძემ განაცხადა:

"არაფერი, ისე უბრალოდ წავედი გასართობად ქალაქის ბიუჯეტით. მერე ღამის კლუბშიც წავედი. კიდევ გავიხსენებ და წერილობით მოგაწვდით“, - განაცხადა კალაძემ.

ცნობისთვის, „ნაციონალურმა მოძრაობამ“ თბილისის მერი ბიუჯეტის არამიზნობრივ ხარჯვაში დაადანაშაულა. როგორც პარტიის წევრმა ლევან ხაბეიშვილმა განაცხადა, კალაძე მოადგილესთან, ილია ელოშვილთან და საერთშორისო ურთიერთობების საკითხებში კონსულტანტთან ერთად, ლუქსემბურგში, მილანსა და ვარშავაში იმყოფებოდა, რაც ბიუჯეტს 14 500 დოლარი დაუჯდა.

ავტორი: ,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს