"ჩვენ ყველაფერს ვაკეთებთ და მომავალშიც გავაკეთებთ იმისთვის რომ თითოეული ბიზნესის რეპუტაცია.იყოს შენარჩუნებული",- ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა.

მისი თქმით, სურსათის ეროვნულ სააგენტოს თავისი ამოცანები აქვს, რომელიც უნდა შეასრულოს. 
მინისტრმა აღნიშნა, რომ ყველას შეუძლია მიმართოს სასამართლოს და თავისი პოზიცია დააფიქსიროს. 

“არავის მიზანი არ არის ბიზნესის დაზარალება. ყველაფერს ვაკეთებთ, რომ თითოეული ბიზნესის რეპუტაცია იყოს შენარჩუნებული. თუმცა, ამავე დროს სურსათის ეროვნულ სააგენტოს აქვს თავისი ამოცანები, ისინი არ იქნებიან მართლები თავის მოვალეობებთან, მოსახლეობასთან, რომ არ შეასრულონ მათზე დაკისრებული მოვალეობა სათანადოდ. საზოგადოებრივი კვების პოპულარული ობიექტები არის პოპულარული ადგილი, როგორც საქართველოს მოქალაქეებისთვის, ისე სტუმრებისთვის, შესაბამისად, მაღალი დონის სტანდარტის შენარჩუნება, ჩვენი ამოცანაა, ამიტომ პროცესს ობიექტურად უნდა შევხედოთ”, - განაცხადა მინისტრმა.

დავითაშვილის თქმით, შემოწმებებს ისინი რეგულარულად უკევე რამდენიმე წელია ატარებენ, მათ შორის, ქალაქის ცენტრალურ უბნებსა და პოპულარულ რესტორნებში.
მისივე განცხადებით, წესებისა და ნორმების დაცვა აუცილებელია.

შეგახსენებთ, სახელმწიფო კონტროლის ფარგლებში, დოკუმენტური შემოწმება და ინსპექტირება ჩატარდა 19 რესტორანსა და კაფე-ბარში. მათ შორის, 7 მათგანს კრიტიკული შეუსაბამობების გამო საწარმოო პროცესი შეუჩერდა.

როგორც ცნობილია, კრიტიკული შეუსაბამობები გამოვლინდა შემდეგ ობიექტებში: „თაღლაურა“; „ძველი ქალაქი“; „პლაზა ჰოლი“; „კრუიზი“; „ოქროს კათხა“ და „მუხამბაზი“. აღნიშნულ ობიექტებს საწარმოო პროცესი შეუჩერდათ და 1000 ლარით დაჯარიმდნენ. 

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება