ტელეკომპანია „რუსთავი 2-თან“, სადაც „ქართული მარშის“ წევრები აქციას მართავენ, ფიზიკური დაპირისპირება მოხდა.

აქციის მონაწილეები ტელეკომპანიის წამყვანის, გიორგი გაბუნიას ავტომობილს ეზოში არ უშვებდნენ. როგორც შეკრებილებმა აღნიშნეს, წამყვანმა მათ რელიგიურ გრძნობებს შეუარცხყოფა მიაყენა. ისინი ითხოვენ, რომ ნიკა გვარამიამ და გიორგი გაბუნიამ საჯაროდ ბოდიში მოიხადონ.

ამასთან, „ქართული მარშის“ წევრების თქმით, ისინი ტელეკომპანიის ეზოში უფრო ფართომასშტაბიან აქციასაც ჩაატარებენ.

"აქ 20 კაცი კი არ იდგება, არამედ მთელი საქართველო ჩამოვა და გაბუნიას მოუწევს ბოდიშის მოხდას, თანაც მუხლის ჩოქებზე", - განაცხადა "ქართული მარშის" ერთ-ერთმა წევრა.

ადგილზე სამართალდამცველები არიან მობილიზებული. აღსანიშნავია, რომ აქციის დროს "რუსთავი 2"-ის ჟურნალისტი დავით ერაძე დაშავდა. იგი რესპუბლიკურ საავადმყოფოშია გადაყვანილი.

შეგახსნებთ, გიორგი გაბუნიამ იესო ქრისტეზე „რუსთავი 2-ის“ ეთერში ისაუბრა. "მე ვფიქრობ, რომ იესო ქრისტემ საშინელი შეცდომა დაუშა, როდესაც 2000 წლის წინ ისრაელში მოვიდა. უნდა მოსულიყო აჭარაში და ჯვარზე კი ვეღარ გააკრავდნენ, იმიტომ რომ ხე აღარ იქნებოდა დარჩენილი და ამ დროისთვის ბიძინას ეზოში იქნებოდა გადატანილი ყველა ხე", - განაცხადა გაბუნიამ გადაცემა P.S-ის ეთერში.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი