საქართველოს ოკუპირებულ ტერიტორიიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, ხელისუფლება ყველაფერს აკეთებს იმისათვის, რომ ევროკავშირთან უვიზო მიმოსვლის რეჟიმის შეჩერება არ მოხდეს. მინისტრი დარწმუნებულია, რომ აღნიშნული საფრთხე ამ ეტაპზე არც არსებობს, თუმცა მოუწოდებს თავშესაფრის მაძიებელ საქართველოს მოქალაქეებს,  პასუხისმგებლობა გამოიჩინონ:

„ცხადია, შეიქმნა ცოტა რთული ვითარება იმიტომ,რომ ძალიან ბევრი ჩვენი მოქალაქე წავიდა და ძალიან ბევრმა მოითხოვა ერთდროულად თავშესაფარი, თუმცა მე მაინც მგონია, რომ ეს არის პიკი, რომელიც აუცილებლად გადაივლის, მეორე მხრივ, ყველა ღონეს ვხმარობთ იმისთვის, რომ შეჩერება არ მოხდეს და დარწმუნებული ვარ, რომ არ მოხდება, უბრალოდ, იყო გარკვეული პიკი, რომელიც აუცილებალდ გადაივლის და თითოეულ ჩვენს მოქალაქესაც მოვუწოდებ, დიდი პასუხისმგებლობით მოეკიდონ ამ საკითხს და თავის შანსებსაც,რადგან არანაირი შანსი, რომ მიიღონ თავშესაფარი არ აქვთ და ამით უფუჭებენ საქმეს არა მხოლოდ სხვა მოქალაქეებს,არამედ თავის თავსაც“,-განაცხადა სოზარ სუბარმა.

ცნობისთვის, ბრიუსელში ევროკავშირის შინაგან საქმეთა მინისტრების შეხვედრა მიმდინარეობს. შეხვედრაზე გერმანია საქართველოს მოქალაქეების მიერ უვიზო მიმოსვლის წესების დარღვევის საკითხის დაყენებას აპირებს. როგორც გერმანიის შს მინისტრმა ტომას დე მაზიერიმ აღნიშნა, ვიზალიბერალიზაციას შესაძლოა, საფრთხე მართლაც დაემუქროს.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს