იოზვაკი: ბრიუსელში გერმანია უვიზო რეჟიმის დამრღვევი საქართველოს მოქალაქეების საკითხს დააყენებს

2018-03-07 14:12:41, 2152 ნახვა

პოლიტიკა

"რადიო თავისუფლების" ბრიუსელის კორესპონდენტის რიკარდ იოზვაკის ინფორმაციით, ბრიუსელში ევროკავშირის წევრი ქვეყნების შინაგან საქმეთა მინისტრების შეხვედრაზე, საქართველოს იმ მოქალაქეების საკითხი იქნება განხილული, ვინც ვიზალიბერალიზაციის პირორბებს არღვევს.

ამის შესახებ ჟურნალისტი Twitter-ის გვერდზე წერს.

მისივე თქმით, ე.წ. შეჩერების მექანიზმის ამოქმედების საკითხი არ განიხილება.

„ევროკავშირის წევრი ქვეყნების შინაგან საქმეთა მინისტრების შეხვედრაზე, რომელიც 8 მარტს ბრიუსელში გაიმართება, გერმანია უვიზო რეჟიმის დამრღვევი საქართველოს მოქალაქეების საკითხს დააყენებს. შეჩერების მექანიზმზე გადაწყვეტილება მიღებული არ იქნება. 8-10 მარტს, ბრიუსელში ვიზიტისას საქართველოს პრეზიდენტს მოუსმენენ იმ ძალისხმევების შესახებ, რომლებსაც საქართველო ამ მიმართულებით ახორციელებს“, - წერს იოზვაკი.

გარდა ამისა, "რადიო თავისუფლების" კორესპონდენტი, წერს, რომ თუ საქართველო ყველა საჭირო ზომას არ მიიღებს. ასეთ შემთხვევაში ე.წ. შეჩერების მექანიზმის ამოქმედების საფრთხე არსებობს.

"საქართველო მართლაც დგას შეჩერების მექანიზმის ამოქმედების საფრთხის წინაშე, თუ ის არ გააქტიურდება, რათა მოქალაქეემა თავშესაფრის მოთხოვნა შეწყვიტონ. ეს არ არის შეთხზული პრობლემა. წელს 298 ქართველმა მოითხოვა თავშესაფარი შვედეთში და ამით სირიელი თავშესაფრის მაძიებლების მერე, მეორე ყველაზე დიდი ჯგუფი გახდა", - წერს კორესპონდენტი.

#Georgia really risks having its visa lib with EU suspended if it doesn’t step up efforts to prevent its citizens seeking asylum. This is not made up problem. this year 298 Georgians has sought asylum in Sweden, making it the biggest group of asylum seekers after Syrians...
— Rikard Jozwiak (@RikardJozwiak) March 7, 2018