მუნიციპალიტეტის მერმა ფრიდონ ფუტკარაძემ აჭარის ჯანდაცვის მინისტრთან ზაალ მიქელაძესთან, მთავრობის წევრებთან და მუნიციპალიტეტის ხელმძღვანელ პირებთან ერთად აგვისტოს ომში გმირულად დაღუპული ამირან მამალაძის დედას მარინა მიქელაძეს დედის დღე მიულოცეს და საჩუქრები გადასცეს.

მთავრობის წევრებმა ქალბატონ მარინას გმირი შვილის გაზრდისთვის მადლობა გადაუხადეს.

"მინდა მივულოცო ყველა დედას დღევანდელი დღესასწაული - დედის დღე! ვუსურვებ ყველა მათგანს ჯანმრთელობას, სიკეთეს, წარმატებებს. დღეს ჩვენ დედის დღე მივულოცეთ ქალბატონ მარინა მიქელაძეს, რომელმაც გაზარდა ნამდვილი გმირი შვილი, რომელმაც თავი შესწირა ჩვენი ქვეყნის ერთიანობას", - განაცხადა ფრიდონ ფუტკარაძემ.

ამირან მამალძე სოფელ ბარათაულში 1985 წლის 21 ივლისს დაიბადა. დაამთავრა ბარათაულის საჯარო სკოლა. 2004-2008 წწ. სწავლობდა შ.რუსთაველის სახელმწიფო უნივერსიტეტში. 2008 წლის 2 მაისს ჩაირიცხა ქართული ჯარის 53-ე ბატალიონის, მე-5 ბრიგადაში. დაიღუპა 9 აგვისტოს. დაჯილდოვებულია ვახტანგ გორგასლის პირველი ხარისხის ორდენით.

დედის დღესთან დაკავშირებით, აჭარის ჯანდაცვის სამინისტრომ 2008 წლის რუსული აგრესიის შედეგად და 2012 წელს ავღანეთში დაღუპულ მეომართა ოჯახების დახმარების პროგრამის ფარგლებში, ომში დაღუპული ჯარისკაცების დედებს და მეუღლეებს 1,000-1,000 ლარი გადასცა.

(NS)

ავტორი: ,

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა