„ჩვენს გეგმაში არ შედის, რომ ვინმეს წინააღმდეგ გამოვცადოთ სამხედრო პოტენციალი. არ ვაპირებთ ვინმესთვის რამის წართმევას, რადგან ისედაც ყველაფერი გვაქვს“, - ამის შესახებ რუსეთის პრეზიდენტმა, ვლადიმერ პუტინმა ფედერალურ სხდომაზე განაცხადა.

მან რუსეთის ეკონომიკაზე, ინფრასტრუქტურულ პროექტებზე, ჯანდაცვის პროგრამებზე, განათლების სისტემაზე, სოციალური მდგომარეობის გაუმჯობესებაზე, ტექნოლოგიურ განვითარებასა და თავდაცვისუნარიანობის ამაღლებაზე ისაუბრა.

პუტინმა ქვეყნის წინაშე არსებულ საფრთხეებზეც გაამახვილა ყურადღება და აღნიშნა, რომ ამ კუთხით რუსეთის მთავარი მტერი ჩამორჩენაა.

„საქმე ის კი არ არის, რომ ვიღაცა მოვა, ჩვენს მიწებს მიიტაცებს და ააოხრებს.  ჩვენი მთავარი საფრთხე და მტერი ჩამორჩენაა. თუ ჩვენ ამ სიტუაციას ვერ გავუმკლავდებით, ის უფრო გამძაფრდება. ეს რთული ქრონიკული დაავადებაა, რომელიც ნელ-ნელა  ორგანიზმს ანადგურებს“, - განაცხადა პუტინმა.

გარდა ამისა, მან რუსეთში სიღარიბის მზარდი სტატისტიკის მიზეზად დასავლეთის მიერ დაწესებული სანქციები დაასახელა. პუტინმა  განაცხადა, რომ რუსეთის წინააღმდეგ ამოქმედებულმა სანქციებმა ქვეყანაში ეკონომიკური კრიზისი გამოიწვია, რის შედეგადაც სოციალურად დაუცველი მოქალაქეების რაოდენობამ 20 მილიონს გადააჭარბა.

რუსეთის პრეზიდენტმა პირდაპირ ეთერში პირობა დადო, რომ უახლოეს 6 წელიწადში ქვეყანაში ეკონომიკური და სოციალური მდგომარეობა გაუმჯობესდება.

ცნობისთვის, რუსეთში 18 მარტს საპრეზიდენტო არჩევნები გაიმართება. არჩევნებში პრეზიდენტობის რვა კანდიდატი მონაწილეობს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა