ევროპასთან ინტეგრაციის კომიტეტის წევრი სოფიო ქაცარავა მოქალაქე არჩილ ტატუნაშვილის გარდაცვალების ფაქტს ეხმაურება.

ქაცარავას განცხადებით, მათი მხრიდან ყველა საჭირო ნაბიჯი იდგმება, რათა საერთაშრისო თანამეგობრობამ  ფაქტზე მყისიერი რეაგირება მოახდინოს.

 „უაღრესად შეშფოთებული ვარ არჩილ ტატუნაშვილის გარდაცვალების გამო. ეს არის უმძიმესი ტრაგედია, რომელზეც სრული პასუხისგებლობა ეკისრება რუსეთის საოკუპაციო რეჟიმს.

ჩვენ ყველა საჭირო ნაბიჯს ვდგამთ, რომ საერთაშრისო თანამეგობრობამ მოახდინოს ამ ფაქტზე მყისიერი რეაგირება და მისი სათანადო შეფასება.  შესაბამისი საერთაშორისო ორგანიზაციები და პარტნიორი ქვეყნები, ასევე, როგორც ჟენევის მოლაპარაკებების თანათავმჯდომარეები ინფორმირებულები არიან ამის შესახებ.

 ევროკავშირის მხრიდან უკვე გაკეთდა მკაცრი განცხადებები და არის მზაობა, რომ მათ აღმოგვიჩინონ დახმარება გამოძიების პროცესში. დღეს, ლიტვის საგარეო საქმეთა მინისტრის ინიციატივით,  იგეგმება ამ საკითხის დაყენება ევროკავშირის საგარეო საქმეთა საბჭოზე. ასევე, ამ ფაქტის განხილვა გაიმართება გაერო-ს ადამიანის უფლებათა მაღალი სეგმენტის სესიაზე.

არჩილ ტატუნაშვილის გარდაცვალებამ კიდევ ერთხელ დაადასტურა, თუ რამდენად მძიმე მდგომარეობაა ოკუპირებულ ტერიტორიებზე ყველა მიმართულებით, რაც ქმნის საერთაშორისო მექანიზმების შექმნის სასწრაფო აუცილებლობას. სწორედ ამ მიმართულებით  ვმუშაობთ რეზოლუციაზე, სადაც ყველა სხვა საკითხთან ერთად შევა ამ ინციდენტის საერთაშორისო გამოძიების, ოკუპირებულ ტერიტორიებზე საერთაშორისო სადამკვირვებლო მისიების შეშვების და 2008 წლის ცეცხლის შეწყვეტის შეთანხმების შესრულების საკითხები.

ჩვენ გავაგრძელებთ მუშაობას ჩვენს საერთაშორისო პარტნიორებთან, რომ ეს ქმედება იდგეს საერთაშორისო დღის წესრიგში და მოხდეს სათანადო რეაგირება მათი მხრიდან“,-ნათქვამია სოფიო ქაცარავას განცხადებაში.

შეგახსენებთ, 22 თებერვალს, საოკუპაციო რეჟიმმა ჩვენი 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში უკანონოდ დააკავა. 23 თებერვალს  კი, ცნობილი გახდა, რომ არჩილ ტატუნაშვილი გაურკვეველ ვითარებაში გარდაიცვალა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა