იერუსალიმში მაცხოვრის აღდგომის ტაძარი გაურკვეველი ვადით დაიხურა, - ამის შესახებ Deutsche welle იუწყება.

ბერძნულ-კათოლიკური და სომხური ეკლესიის წინამძღვრების წერილის თანახმად, ასეთი გადაწყვეტილება ეკლესიის და წმინდა მიწაზე ქრისტიანული მრევლის წინააღმდეგ სისტემატიური კამპანიისთვის პროტესტის გამოცხადების ნიშნად მიიღეს.

ისინი ისრაელის ახალ საგადასახადო პოლიტიკას და მიწების კონფისკაციის შესახებ მომზადებულ კანონპროექტს აპროტესტებენ. კერძოდ კი, ქრისტიანების აღშფოთებას იწვევს კანონპროექტი, რომელიც ისრაელის ხელისუფლებას ეკლესიის კუთვნილი მიწის ნაკვეთების ჩამორთმევის უფლებას აძლევს.

სასულიერო პირებმა წერილში ამ კანონპროექტს "დისკრიმინაციული და რასისტული" უწოდეს. ამასთან, ეკლესია მუნიციპალური მოსაკრებლების წინააღმდეგ გამოდის, რომლებიც მათი მტკიცებით, სტატუს-კვოს არღვევს. სასულიერო პირების მტკიცებით, "ხსენებული ცვლილებებით, იერუსალიმში ქრისტიანული წარმომადგენლობის შესუსტება სურთ".

ცნობისთვის, იერუსალიმში მაცხოვრის აღდგომის ტაძარი ქრისტიანი მომლოცველებისთვის მთავარი წმინდა ადგილია.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა